सुर्खेतबाट जुम्ला जाँदै गरेको फोर्स गाडी दैलेखको डुङ्गेश्वरमा दुर्घटना हुँदा १२ जना घाइते भएका छन्।
Advertisement
कर्णाली प्रदेश ०२-००१ ज ००४६ नम्बरको फोर्स गाडी दुल्लू नगरपालिका–१, तल्लो डुङ्गेश्वर डुंगेल मन्दिर नजिकै दुर्घटनामा परेको जिल्ला प्रहरी कार्यालय दैलेखले जनाएको छ।
गाडीमा १९ जना सवार थिए। तीमध्ये १२ जना घाइते भएको र ५ जनाको अवस्था गम्भीर रहेकाले थप उपचारका लागि सुर्खेत पठाइएको जिल्ला प्रहरी कार्यालय दैलेखका प्रमुख गणेश बरालले जानकारी दिए
दुर्घटनापछि गाडी चालक फरार भएका छन् भने सहचालकलाई प्रहरीले नियन्त्रणमा लिएको छ।
