इस्लाम धर्मावलम्बीहरुको पवित्र महिना रमजान फागुन १६ देखि सुरु भएको छ । चन्द्र क्यालेन्डरको यो नवौं महिना हो जब मुस्लिमहरूले रोजा (उपवास) मनाउँछन् – सूर्योदयदेखि सूर्यास्तसम्म खाना, पानीबाट परहेज गर्दै। बालबालिका र बिरामी बाहेक सबै मुस्लिमहरूको लागि रोजा अनिवार्य छ।

पवित्र महिनालाई तीन भागमा विभाजन गरिएको छ । जसमा राम्रो समयको पहिलो दस दिन बरक्कत भनेर चिनिन्छ, त्यसपछि रहमत – दश दिन प्रेम र हेरचाह – र अन्तिम दस दिनलाई मगफिरात भनिन्छ, अल्लाहबाट क्षमा । युएईमा यस वर्ष पनि रमदान मनाईएको छ । मुस्लिम धर्ममा यसलाई महत्वपुर्ण पर्वका रुपमा लिइन्छ ।

रोजा पालन गर्नेहरूले आफ्नो शरीरलाई शुद्ध राख्छन् र दिनको पाँच पटक नियमित रूपमा पवित्र कुरानको पठन गर्छन्। यस पर्वले कम भाग्यमानीहरूका लागि आत्म-अनुशासन, त्याग र समानुभूति प्रवर्द्धन गर्ने विश्वास गरिन्छ, यसैले उदारता र अनिवार्य परोपकारका कार्यहरूलाई प्रोत्साहित गर्दछ।

रमजान महिनाको अन्त्यमा ईद-उल-फित्र मनाइन्छ। मुस्लिमहरुको एक महिने व्रत र धर्मदान इस्लामिक क्यालेण्डर को नवौ महिना रमजान शुरू भएलगत्तै संसार भरी छरिएर रहेका मुसलमानहरु धनिको महल र गरिबको छाप्रो दुबै ठाउमा खुशियालीको माहोल शुरू हुन्छ। ईस्लामीक पात्रो अनुसार हरेक वर्षको ९ औँ महिनामा रमादान महिना पर्दछ, कूल ३५४ दिनको यस पात्रो पनि चन्द्रमानकै आधारमा रहेको छ । रमदान, हरेक वर्ष एकै दिन वा महिनाबाट सुरु हुँदैन, यसको कारण चाहिँ इस्लाम धर्मावलम्बीको पात्रो हो।

एक महीनासम्म चल्ने यो पर्वमा मुसलमान दिनमा निराहार बस्छन् । रोजा बस्न मुसलमानले बिहान ३ः४३ बजेबाट बेलुका ६ः३६ बजेसम्म निराहार बस्नुलाई रोजा भनिन्छ ।

रमदान महीनामा मुसलमानको सबै भन्दा ठूलो ग्रन्थ कुरान अवतरण भएको हो भने यो महीनामा अल्लाहको कृतज्ञता प्राप्त हुने विश्वास छ । दान दिनु, गरीब र दीनदुःखीलाई सेवा गर्नु तथा जकात निकाल्नु यो महीनाको ठूलो विशेषता हो । रमदान व्रत बस्न आज साँझ मुसलमानले चन्द्रमा हेर्न आकाशतिर दृश्यावलोकन गर्ने र चन्द्रमा हेरेर रमाउने प्रचलन छ ।

सपना न्यौपाने
युएई