आठबिसकोट । चित्रेपाटन कपको सातौँ संस्करण असोज २० गतेबाट रुकुम पश्चिमको आठबिसकोट नगरपालिकाको गोतामकोटस्थित बगेनाहमा सुरु हुने भएको छ । ठुलो पुरस्कार राशि रहेको यस प्रतियोगिता बिभिन्न क्लबले सहभागिता जनाउने भएका छन् ।
प्रतियोगिताको विजेताले ५० हजार तथा उपविजेताले २५ हजार प्राप्त गर्ने आयोजकले जनाएको छ । स्वास्थ्यका लागि खेलकुदमित्रताको लागी खेलकुद भन्ने नारासहित सञ्चालन हुन लागेको प्रतियोगिताको असोज १६ गते दर्ता खुल्ला गरिने जनाईएको छ ।स्थानीय खेल क्षेत्र तथा उदाउँदा खेलाडीको प्रोत्साहनस्वरूप सुरु भएको यस प्रतियोगितामा उत्कृष्ट खेलाडीले अवार्ड सहित पुरस्कारप्राप्त गर्नेछन् ।
६ वर्षदेखि योङ्गस्टार क्लबले ‘चित्रेपाटन फुटबल कप‘ सञ्चालन गर्दै आएको छ । दशैँको अवसरमा खेल प्रतियोगिता सञ्चालन हुँदैआएको आयोजकले जनाएको छ ।
उक्त खेलको मुख्य प्रायोजकमा अर्जुन के सी, हरिजङ्ग बिष्ट र तिलकजङ्ग शाही रहेको आयोजक समितिका अध्यक्ष कपिल सिंहठकुरीले जानकारी दिए । खुल्ला A6 साइड फुटबल प्रतियोगिताको बिजेताले ५० हजार पाँच सय हात पार्ने छन भने उपविजेताले २५हजार पाँच सय पाउने छन्।
साथै खेलमा उत्कृष्ट प्रदर्शन गर्नेलाई best player,best keeper,best scores र man of the match सहित अवार्ड र पुरस्कारको व्यवस्था गरिएको आयोजकले जनाएको छ । खेलमा सहभागी हुनका लागि ५ हजार पाँच सय रुपैयाँ दर्ता शुल्क लाग्ने छ ।
