रुकुम पश्चिमको आठविसकोट नगरपालिका १ रोकाजास्थित भित्री सडक खण्डमा बोलेरो जिप चालकमाथि अज्ञात समहुले कुटपिट गरेर फराएर भएका छन् । समुहले हिजो राती साढे ९ बजेतिर दुई वटा मोवाइल फोन र झोला लुटेर फरार भएका हुन् ।
आठबिसकोटको राडीबाट वडा नम्वर १ को खेततर्फ जाँदै गरेको बा १३ च २९५७ नम्बरको डबल क्याप बोलेरो जिपलाई सडकमा ढुंगा राखेर रोकिएको र चालकले ढुंगा हटाउने क्रममा अज्ञात ४/५ जनाको समूहले चालकमाथि आक्रमण गरेको प्रहरीले जनाएको छ ।
प्रहरीका अनुसार घटनामा जिप चालक आठबिसकोट नगरपालिका वडा नम्बर १ फिलिङ्गेका अन्दाजी २५ वर्षीय मुकेश बिक घाइते भएका भएका छन् । बिकको शरीरको भित्री भागमा चोट लागेको जिल्ला प्रहरी कार्यालयका सूचना अधिकारी प्रहरी निरीक्षक हरिप्रसाद पुनले बताए।
घटनाको खबर प्राप्त भएपछि अस्थायी प्रहरी पोस्ट स्यालाखदीबाट प्रहरी सहायक निरीक्षक डम्बरबहादुर चन्दको नेतृत्वमा ४ जनाको टोली घटनास्थलतर्फ खटिएको थियो । अज्ञात समुहले लुटेको झोलामा नगद रकम रहेको भन्ने खवर प्राप्त भएनी रकम बारे एकिन विवरण आउन बाँकी रहेको जिल्ला प्रहरी कार्यालय रुकुम पश्चिमले जनाएको छ ।
