काठमाडौँ । रोल्पाको थवाङ गाउँपालिका-१ सल्यापस्थित कच्ची सडक खण्डमा आज दिउँसो भएको जिप दुर्घटनाको घटनाबारे छानबिन गर्न गृह मन्त्रालयले चार सदस्यीय समिति गठन गरेको छ।
Advertisement
मन्त्रालयको शान्ति सुरक्षा तथा अपराध नियन्त्रण शाखाले जारी गरेको विज्ञप्तिअनुसार सचिवस्तरीय निर्णयबाट लुम्बिनी प्रदेश प्रहरी कार्यालय तुलसीपुरका प्रहरी उपरीक्षक यादव ढकालको संयोजकत्वमा समिति गठन गरिएको हो।
समितिलाई घटनाको सत्य तथ्य अध्ययन गरी तीन दिनभित्र प्रतिवेदन पेश गर्ने जिम्मेवारी तोकिएको मन्त्रालयले जनाएको छ।
