काठमाडौं । नेपाली कांग्रेसका पूर्वसभापति तथा पूर्व प्रधानमन्त्री शेरबहादुर देउवाले फागुन २१ गते हुने प्रतिनिधि सभा निर्वाचनमा उम्मेदवार नबन्ने निर्णय गरेका छन् ।

यो निर्णयसँगै उनको ३४ वर्षदेखिको अविरल संसदीय यात्रामा ‘ब्रेक’ लागेको छ । २०४८ सालदेखि डडेल्धुराबाट उम्मेदवार बन्दै आएका र सधैं जित्दै आएका देउवालाई अब निर्वाचन नलड्न सभापति गगन थापा र उपसभापति विश्वप्रकाश शर्माले अनुरोध गरेका थिए ।

तर देउवाले भने अन्तिम पटक चुनाव लड्ने बताएका थिए। हिजो देउवाको सचिवालयले उनी उम्मेदवार नबन्ने जानकारी गराएको हो । उनी अहिलेसम्म सात पटक निर्वाचित भइसकेका छन् ।

अर्का नेता पुर्णबहादुर खड्का, शेखर कोइराला लगायतका नेता पनि उम्मेदवार बन्ने अझै निश्चित छैन।विश्वप्रकाश शर्मा लगायतले पनि चुनावमा उम्मेदवार नबन्ने बताइसकेका छन् भने देउवा र कोइराला पक्षका केही नेताहरु भने गगनसँग टिकट लिएर जिल्ला फर्किएका छन्। गगन थापाविरुद्ध देउवा र खड्काले अदालतमा मुद्दा समेत दायर गरेका छन्। आज पेसी छ।