रुकुम पश्चिमको बाँफिकोट गाउँपालिका वडा नम्बर ७ नदुवादेखि आठबिसकोट ३ को झारमारे जोड्ने भित्री सडक खण्ड भम्पुमा जेसिबी दुर्घटना हुँदा सह-चालकको घटनास्थलमै मृत्यु भएको छ ।

रा १ क १४०२ नम्बरको जेसिबी आज बिहान नदुवा देखी झारमारे जोड्ने भित्र सडक खण्डमा बाटो खन्नजाने क्रममा दुर्घटना हुँदा सह-चालक बाँकेका २८ वर्षिय भगिराम चौधरीको घटनास्थलमै मृत्यु भएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक हरिप्रसाद पुनले जानकारी दिए ।

जेसिबी सडकदेखि ५ सय मिटर तल खसेको र जेसिबी चालक आठबिसकोट नगरपालिका १ का ४५ वर्षीय बले कामी सम्पर्क बिहिन रहेको प्रहरीले जनाएको छ।