प्रगतिशील लोकतान्त्रिक पार्टीका नेता जनार्दन शर्माले नेतृत्व हस्तान्तरण र भ्रष्टाचार छानबिनको माग उठाएपछि आफू पार्टीबाट निष्कासनमा परेको आरोप सार्वजनिक गरेका छन्। उनले भित्र–बाहिर फरक व्यवहार गरेका कारण पार्टीले अनुशासनको नाममा आफूलाई लक्षित कार्रवाही गरेको दाबी गरेका हुन्।
आज रुकुम पश्चिमको मुसिकोटमा आयोजित बृहत युवा भेलालाई सम्बोधन गर्दै शर्माले भने, “पार्टीभित्र मेरो आवाजलाई बेवास्ता गरियो, सुन्ने प्रयाससम्म भएन। बाहिर सुशासनका नारा लगाइए तर भित्र भने एउटै समयमा दुई बुँदे समझदारीमा हस्ताक्षर गरियो। पार्टीलाई भित्रभित्रै छेपारो जस्तै बनाइयो।”
उनका अनुसार पार्टीभित्र पारदर्शिता, निर्णय प्रक्रिया र नेतृत्व हस्तान्तरण बारे बहस माग गर्दा वरिष्ठ नेताहरू असहज बनेर आफूलाई बाहिर पुर्याउने निर्णय लिएको हो।
शर्माले पार्टी नेतृत्वकै स्वार्थ जोगाउन आन्तरिक भ्रस्टाचार तथा अनियमितताको विषय लुकाउने प्रयास गरिएको आरोपसमेत लगाए। “भ्रस्टाचार छानबिन गरौँ भन्दा नै म निशानामा परेको हुँ,” उनले उल्लेख गरे।
पार्टीले भने शर्मामाथिको कारबाही आन्तरिक नियम उल्लङ्घन तथा अनुशासनहीनताका आधारमा भएको बताएको छ। तर शर्मा भने सो स्पष्टीकरणलाई राजनीतिक बदला र शक्ति समूहको दबाबको परिणाम बताउँदै आएका छन्।
उनले थप्दै भने, अहिले केहि साथीहरुले जनार्दनले जनतालाई धोका दियो। रुकुमेलीलाई छोड्यो। भनेर गलत प्रचार गरिरहेका छन्। त्यो भ्रम मात्रै हो। जनार्दन हिजो पनि जनता सँगै थियो र आज पनि जनता सँगै छ।
