सुर्खेत। कर्णाली प्रदेशका २८ वटै स्थानीयतहका उच्चस्तरीय पदाधिकारी नगर प्रमुख/नगर उपप्रमुख , अध्यक्ष/उपाध्यक्ष र प्रमुख प्रशासकीय अधिकृत,फोकल पर्सन सम्मिलित कार्यशाला सम्पन्न भएको छ। सुर्खेतमा कार्तिक १६ देखि १८ गते सम्म तीन दिने कार्यशाला सबैका लागि दिगो खानेपानी, सरसफाइ तथा स्वच्छता आयोजना (SUSWA), आयोजना सहयोग इकाई, सुर्खेतले आयोजना गरेको हो।
कार्यक्रमको उद्घाटन समारोहमा कर्णाली प्रदेशका जलस्रोत तथा ऊर्जा विकास मन्त्री बिजय बुढा बोहोराको प्रमुख आतिथ्यता रहेको थियो भने, प्रदेश सचिव, इञ्जिनिएर मोहन शाक्यले स्थानीय तहमा वास एकाईको बिशेष महत्वलाई औल्याएका थिए।
कार्यक्रममा खानेपानी तथा ढल ब्यबस्थापन बिभागका उप–महानिर्देशक इन्जिनियर नारायण आचार्यको पनि उपस्थित रहेको थियो। गोष्ठीमा उनले नीति कार्यान्वयनमा स्थानीय तहको भूमिकाबारे प्रकाश पार्नुका साथै सुस्वा आयोजनाले कर्णाली प्रदेशमा गरेको उपलब्धिमुलक प्रगति प्रति आभार व्यक्त व्यक्त गर्दै सुस्वा आयोजना सुरु गर्दा खानेपानी मन्त्रालयको तर्फबाट सहकार्य गर्दै महत्वपूर्ण भूमिका निभाएको प्रष्ट पारे।
कार्यशालाको दोस्रो दिनको अन्त्यमा फिनल्याण्ड दूतावासका महामहिम राजदूत H.E. Petri Puhakka तथा उनका सहकर्मी सोहि दुताबासका हेड अफ कोपेरेसन Sara Alane को पनि उपस्थित रहेको थियो। उनले नेपाल–फिनल्याण्डबीचको तीस वर्षे खानेपानी सहयोगको महत्व औल्याएका थिए।, सुस्वा आयोजना प्रति स्थानीय तहहरूको स्वामित्व रहेको देख्न पाउदा धन्यवाद व्यक्त गर्दै कर्णाली र सुदूरपश्चिम प्रदेशमा अन्य परियोजनागत हिसाबले दीर्घकालीन खानेपानी सम्बन्धी सहयोग जारी रहने बताए।
कार्यशालामा स्थानीय तहका प्रतिनिधिहरूले हाल सुस्वा आयोजना को कार्यन्वयन प्रक्रिया प्रशंसा योग्य भै रहेको र भविष्यमा स्थानीय तहहरुमा यसको निरन्तरता हुनुपर्ने र फिनल्याण्ड सरकारले हाल हासिल गरिरहेको उच्च प्रविधिहरुको कार्यान्वयन के कसरी भै रहेको छ। भन्ने जिज्ञासा पनि जानकारी लिन खोजिरहेका थिए।
तीन दिनको कार्यशालाले स्थायी वास एकाई संरचना कायम राख्न ६ बुंदे मुख्य प्रतिबद्धता तय गरेको छ। दिगो खानेपानी, सरसफाइ तथा स्वच्छता सेवा सुनिश्चितताका लागि सुर्खेत–२०८२को ११ बुँदे प्रतिबद्धता घोषणा–२०८२ लाई अनुमोदन गरिएको छ।
कार्यशालामा स्थानीय तहका उच्चस्तरीय अधिकारीहरूबीच समन्वय, साझा प्रतिबद्धता र दीगो वास सेवा व्यवस्थापनको लागि आवश्यक नीति र अभ्यासलाई सुदृढ बनाउन महत्वपूर्ण योगदान पुर्याउने देखिन्छ ।
