नेकपा माओवादी केन्द्रका सयोजक पुष्प कमल दाहाल प्रचण्डकी छोरी गंगा दाहालले प्रचण्डको सचिवालय बाट राजीनामा दिएकी छन्। उनले आफूमाथि बारम्बार प्रश्न उठाएर झुटो आरोप लगाउदै आएका कारण आफुले सचिवालय बाट राजीनामा दिएको सामाजिक संजाल मार्फत जानकारी गराएकी छन।
गगा दाहालले राजीनामा दिदै उनले लेखेकी छन्।, हालै विभिन्न सञ्चार माध्यममा मेरो बारेमा आएका भ्रामक समाचारप्रति गम्भीर ध्यानाकर्षण भएको छ। प्रकाश दाहालको निधनपछि आमाको हेरचाह र अध्यक्ष (बुवा प्रचण्ड)लाई सहयोग गर्न पार्टीको सल्लाहमा सचिवालयमा निःस्वार्थ रूपमा जिम्मेवारी सम्हालेकी थिएँ।
सधैं सहयोगी रूपमा काम गरे पनि व्यक्तिगत आक्षेप र कुप्रचार भइरहे। कहिले झोला, कहिले घडीको अनावश्यक हल्ला फैलाइयो— जुन वस्तु मैले किनेकै थिइनँ। साथीहरूले दिएका उपहार पनि अब रहेनन्। तर ती कुरालाई लिएर निरन्तर मेरो माध्यमबाट अध्यक्ष र पार्टीमाथि योजनाबद्ध प्रहार भइरहेकाले, पार्टी र बुवाको हितमा सचिवालयबाट अलग हुने निर्णय गरेकी छु।
सामाजिक संजालमा दाहाल लेख्छिन ,
नमस्कार 🙏🏻 मेरा बारेमा पछिल्लो समयमा बिभिन्न संचार माध्यममा आएका भ्रामक समाचारप्रति गम्भिर ध्यानाकर्षण भएको छ । म, बुवा (नेकपा माओवादी केन्द्रका संयोजक कमरेड प्रचण्ड) को सचिवालयमा भाइ प्रकाश दाहालको देहवसान पछि मम्मी सीता दाहाल बिरामी हुनुभएको अवस्थामा जिम्मेवारी लिएर आए । मम्मीको हेरचाह पनि गर्नुपर्ने र भाइ प्रकाशले निभाउँदै आएको भुमिकामा रहेर अध्यक्षलाई सहयोग गर्न पार्टी नेताहरुको सल्लाहमा सचिवालयमा रहेर निस्वार्थ भावमा पार्टी आन्दोलन र बुवाको लागि आफुले सकेको सहयोगको कोशिस गरिरहे । यस दौरानमा सवैको भावना अनुसार काम गर्न सकिन होला त्यसका लागि आत्मआलोचित हुँदै यति चाही म गर्वका साथ भन्छु मैले आफ्ना लागि सोचेर कहिले पनि काम गरिन । सधै सहयोगीका रुपमा राम्रो गर्ने कोशिस गरिरहे। तर दुख लाग्छ, यो ठाउ नै त्यस्तै होकी जति राम्रो गर्छु भन्दा पनि, जति नै बिवादरहित भएर काम गर्छु भन्दा पनि बिवादमा त परिहालिने रहेछ। । म, मेरा दिदीहरू र भाइलाई महान जनयुद्धको समयमा राज्य सत्ताले निरन्तर दुःख दिएका कारण पढाइबाट वञ्चित भएरै पार्टीमा निरन्तर लागिरहियो। कुप्रचार र भ्रामक सूचना दिनेहरूले मेरा बारेमा निरन्तर प्रहार गर्दै सञ्चार माध्यमको पनि चरम दुरुपयोग गरिरहेका छन्। कहिले कति लाखको ब्याग भनिदिएको छ, कहिले कति लाखको घडी । एक लाख पर्ने घडी, ब्याग जिन्दगीमा कहिले पनि किनेको छैन । साथीभाइले जन्मदिनको अवसरमा दिएको उपहार थियो, सक्कली थियो कि नक्कली त्यो पनि जलेर खरानी भैसक्यो । अझै पनि त्यही कुरा ल्याएर प्रहार भइराखेको छ ।
निरन्तर मलाई देखाएर नेकपा (माओवादी केन्द्र)का संयोजक प्रचण्ड र समग्र पार्टीविरुद्ध योजनावद्ध प्रहार भइरहेका कारणले यस्तो अवस्थामा मैले सचिवालयको जिम्मेवारीबाट बाहिरिदा नै बुवा, पार्टी र आन्दोलनको लागि राम्रो होला भन्ने निस्कर्षमा पुगेर बुवाको सचिवालयबाट राजिनामा दिएको छु । पार्टीको जिम्मेवार कार्यकर्ता भएकाले आजीवन रूपमा पार्टीमा भने क्रियाशील रहनेछु। सचिवालयमा रहँदा पार्टीका नेता, कार्यकर्ताहरू र आम नागरिकले गरेको सहयोगप्रति हार्दिक आभार व्यक्त गर्दछु। 🙏🏻✊
अन्तमा, दिपावलीको दिप जस्तै तपॉईहरुको जीवन उज्यालो बनोस्, सबैमा दिपावली, छठ, नेपाल संवतलगायत पर्वको हार्दिक शुभकामना🙏
धन्यवाद
