नेपालमा पछिल्लो समय चलेको युवा आन्दोलनले गम्भीर मोड लिँदै जाँदा प्रधानमन्त्री केपी शर्मा ओलीले अन्ततः पदत्याग गरेका छन्। आन्दोलन चर्किएपछि उनले बालुवाटार छाडेर बाहिरिन बाध्य भएका हुन्। सरकारी स्रोतहरूका अनुसार उनी सुरक्षित स्थानतर्फ सरेका छन्, । तर ठेगाना खुलाइएको छैन।

पछिल्लो केही दिन यता सामाजिक सञ्जालमाथि सरकारले लगाएको प्रतिबन्धविरुद्ध सुरु भएको विरोध व्यापक जनआन्दोलनमा रूपान्तरित भएको थियो। विशेषगरी युवाहरूको सक्रिय सहभागितासँगै आन्दोलनले गति लिँदै जाँदा, राजधानी काठमाडौंसहित देशभरि तनावपूर्ण अवस्था सिर्जना भएको छ । दर्जनौँ मन्त्री सहित प्रधानमन्त्री ओलीले राजीनामा दिएर भाग्न बाध्य भएका छन्। युवाहरुले शिर्ष नेताहरुलाई लखेटी लखेटी कुटिरहेको भिडियोहरु सामाजिक सञ्जालमा भाइरल भएका छन्।

प्रदर्शन हिंस्रक
शान्तीपुर्ण भैरहेको प्रदर्शन हिंसामा परिणत भएको छ ।
प्रदर्शनको क्रममा संसद भवन, सर्वोच्च अदालत , सिंहदरबार र बालुवाटार परिसरमा तोडफोड तथा आगजनी भएका छन्। प्रहरी र प्रदर्शनकारीबीचको झडपमा कम्तीमा २२ जनाको मृत्यु भएको पुष्टि भइसकेको छ। दर्जनौँ सरकारी गाडी, भवन र सार्वजनिक सम्पत्ति नष्ट भएका छन्। राज्यको ज्याजती बिरुद्ध देशभर प्रदर्शन भएको थियो ।

राजीनामा पछी भागे ओली
प्रधानमन्त्री ओलीले मंगलबार साँझ आकस्मिकरूपमा राष्ट्रका नाममा सम्बोधन गर्दै राजीनामा घोषणा गरेका थिए। तर त्यसको केही घण्टापछि उनी बालुवाटारबाट निस्किएको स्रोतले जनाएको छ। विभिन्न अन्तर्राष्ट्रिय सञ्चारमाध्यमहरूले ओलीले विदेश प्रस्थान गर्ने तयारी गरिरहेको आशंका व्यक्त गरेका छन्, तर आधिकारिक पुष्टि भइसकेको छैन। स्रोतका अनुसार उनी पत्नी सहित बुढानिलकन्ठ मा रहेको शिवपुरी स्थित नेपाली सेनाको गनमा सुरक्षित रहेका छन्।

सेना परिचालन
सुरक्षा अवस्था नियन्त्रणमा लिन नेपाल सेना परिचालन गरेको छ। प्रमुख शहरहरूमा कर्फ्यु जारी गरिएको छ । भने सामाजिक सञ्जालमाथिको प्रतिबन्ध केही हदसम्म हटाइएको छ। पछिल्लो समय स्थिति ‘आंशिक रूपमा नियन्त्रणमा’ रहेको बताइएको छ । प्रधानमन्त्री ओलीको राजीनापछि नयाँ सरकार गठनको प्रक्रिया अघि बढेको छ।