आठबिसकोट । संस्थागत सामाजिक उत्तरदायित्व अन्तर्गत एनएमबि बैंक आठबिसकोट शाखा रुकुम पश्चिमले दुई सामुदायिक विद्यालय मा शैक्षिक सामग्री , खेलकुद सामग्री, बिधार्थीलाई पोशाक र पानी शुद्धिकरणका लागि फिल्टर वितरण गरेको छ । गरिब विपन्न तथा जेहनदार बिधार्थी लाई उक्त सामग्री हस्तान्तरण गरिएको बैंकले जनाएको छ ।
आठबिसकोट नगरपालिकाका वडा नम्वर-९ स्थित राडी बजारमा रहेका शहिद स्मृति दिपज्योती नमुना मावि र बालकल्याण माविमा बालशिक्षा र कक्षा १ मा शैक्षिक सामग्री र पानी शुद्धिकरण गर्ने फ्लिटर बिधालयमै पुगेर बैंकका आठबिसकोट शाखा प्रमुख बिवश घिमिरे को नेतृत्वमा बुधवार बितरण गरिएको हो । 
विद्यार्थीको सिकाइ र स्वास्थ्यमा सहयोग पुग्ने उद्देश्य अनुरुप बिधालयमा सो सामग्री बितरण गरिएको बताइएको छ । बैकका अनुसार एनएमबि बैंक द्वारा संस्थागत सामाजिक उत्तरदायित्व अन्तर्गत बजार आज बुधवार बितरण गरिएको सामग्री वडा नम्वर ९ का वडाअध्यक्ष जनक बहादुर बटाला, बैकका आठबिसकोट शाखा प्रमुख बिवश घिमिरे र सम्बन्धित बिधालयका प्रअ , व्यवस्थापन समितिका अध्यक्ष एवम् बिधार्थीहरुको उपस्थिति रहेको थियो ।
बैंकले देशका विभिन्न भागहरुमा यस्ता सामाजिक कार्यहरु गर्दै आइ रहेको र आगामी दिनहरुमा समेत यसलाई अझै फराकिलो र प्रभावकारी बनाउदै लगिने बताइएको छ ।
