आठबिसकोट । वर्षौँदेखि पुल नहुँदा स्थानीयले सास्ती बेहोर्नुपरेको छ । विधालय आउजाउ गर्ने विधार्थी देखि सर्वसाधारण जोखिममोलेर खोला तर्दै आएका छन्। रुकुम पश्चिमको आठबिसकोट नगरपालिकाको केन्द्र समेत रहेको वडा नम्वर–९ को पेदीखोलामा पुलनहुँदा यहाँका नागरिक सधैँ जोखिम मोल्न बाध्य छन्।
नगरपालिकाको वडा नम्वर ९ ठरचौर, भौरित बुगेरी र वडा नम्वर–८ को घर्तीगाउँ वडा नम्वर ७ को औलका स्थानीयको मुख्य सडकमा पर्नेयो खोलामा पुल नहुँदा वर्खेभेलको खोला तर्न बाध्य छन्। यहाँका नागरिक पालिकाको केन्द्र समेत रहेको वडामा विकासको गति दयनीय अवस्थामा पुगेको स्थानीय बताउँछन्।
वडाकै दुर्गम मानिने यो क्षेत्रका स्थानीय सबै कुरा बाट बञ्चित रहेको गुनासो पोख्छन्। न बिजुली पुगेको छ । न त खानेपानी ? शिक्षास्वास्थ्य र सञ्चारको अवस्था त्यस्तौ छ । यही खोला पारगरेर कालिका मावि सुन्दरपानीमा दैनिक विधार्थी पढ्न जान्छ्न्। खोलामाछोराछोरी बग्ने डरले स्थानीयले सानो काठको अस्थायी पुल बनाएका छन । तर उक्त पुल थप जोखिमयुक्त रहेको छ ।
स्थानीय सरकारको नजरमा नपुगेको यो क्षेत्रमा लामो समय देखि जोखिम मोलेरै सर्वसाधारण आउजाउ गर्दै आएका छन्। पहिरो सहितको खोला बढ्ने हुँदा समयमै सरकारले यस क्षेत्रमा ध्यान दिन जरुरी देखिन्छ ।
