वास्तवमा कर्णाली अरू प्रदेश भन्दा फरक छ। यहाँका जनताको दुःख, संघर्ष र जीवनका कठोर यथार्थहरू सामान्य लोभ–लालचले बदल्न सक्दैनन्। कर्णालीले सधैं परिवर्तन चाहेको छ। र यसपटकको चुनावले पनि स्पष्ट रूपमा परिवर्तनको सन्देश दिएको छ । यहाँका १२ वटा चुनाव क्षेत्र मध्ये जुम्ला बाहेक सबै क्षेत्रमा जनताले प्रतिनिधि र पार्टी परिवर्तन गरेका छन्। नेकपाका शक्ती बस्नेत र प्रलोपाका जनार्दन शर्मा जस्ता हेभीवेट नेताहरू पनि पराजित भएका छन् ।

कांग्रेसका पूर्ण बहादुर खड्का र हृदयाराम थानीले सुर्खेत बाट उम्मेदवारी दिने आँट नै गरेनन्। समग्रमा हेर्दा करिब ९२ प्रतिशत भन्दा बढी सांसद वा पार्टी परिवर्तन भएको अवस्था देखिन्छ। जहाँ सम्म राष्ट्रिय स्वतन्त्र पार्टी (रास्वपा) को प्रश्न छ, यदि रास्वपाले कर्णालीमा जित्ने वातावरण बनाउन चाहन्छ, भने अब गठन हुने सरकारले कर्णालीलाई विशेष प्राथमिकताका साथ विकासमा केन्द्रित गर्नुपर्छ। आगामी दुई वर्ष भित्र कर्णालीका जनतालाई उत्साहित बनाउने काम गर्न सकियो, भने आगामी स्थानीय तथा प्रदेश चुनावमा रास्वपाका वडासदस्य देखि पालिका प्रमुख र प्रदेश सांसदसम्म उल्लेख्यरूपमा जित्ने सम्भावना देखिन्छ। तर कर्णाली लाई बेवास्ता गर्दै फेरि विभेद गरियो भने“कर्णालीमा रास्वपा छैन” । भन्ने बुझिन्छ। त्यसैले कर्णाली बारे गरिने टिप्पणी, व्यवहार र प्राथमिकता अहिलेबाटै सबैले सुधार्नु उचित हुन्छ।

कर्णाली प्रदेशका प्रतिनिधि सभा सदस्यहरूको विश्लेषण

संक्षिप्त विश्लेषण:
कर्णाली प्रदेशका १२ निर्वाचन क्षेत्र मध्ये ११ क्षेत्रमा कुनै न कुनै प्रकारको परिवर्तन देखिएको छ। भने केवल १ क्षेत्रमा मात्र यथावत् अवस्थारहेको छ। यसले कर्णालीका मतदाताले परिवर्तन चाहेको स्पष्ट संकेत दिन्छ। समग्र रूपमा करिब ९२% क्षेत्रमा परिवर्तन भएको देखिन्छ, जसले कर्णालीमा राजनीतिक परिवर्तन प्रति जनताको स्पष्ट रुचि र अपेक्षा रहेको पुष्टि गर्छ।

चंख बिष्ट
रुकुम पश्चिम।