शुक्रवार रुकुम पश्चिमको आठबिसकोट नगरपालिका १ र २ का २५ जना जिल्लाको त्रिवेणी गाउँपालिका सिमरुत स्थित मण्डली (चर्च) मा पुगे। दिनभर चर्चमा प्राथना गरेर उनीहरु चर्चबाट घर फर्किँदा बोलेरो जीप दुर्घटनामा परे। उनीहरुले जीप रिजर्भ गरेका थिए। रा १ ज ४२२ नम्बरको जिप बाँफिकोट गाउँपालिका र आठबिसकोट नगरपालिकाको सिमानास्थित झारमारेमा दुर्घटना कम्तिमा ८ जनाको मृत्यु भयो। १० जना घाइते भएका छन्।

सोही दुर्घटनामा परेर ३० वर्षकी कमला ओलीको पनि ज्यान गयो। आठबिसकोट नगरपालिका -३ पाटागाऊँकी ओली वडा नम्वर २ स्थित स्यालामा बस्दै आएकी थिइन्। उनको माईतीघर पनि स्याला नै हो। मनको शान्तीका लागी चर्चमा प्राथाना गर्न गेका उनी सहित ८ जना बीच बाटोमै अस्ताए। शुक्रवार बेलुका साढे ५ बजेतिर भएको भयानक दुर्घटनाले गाउँ नै शोकमा डुबेको छ। वडा नम्वर १ की स्थानीय कमला यरीका अनुसार उनका एक छोरी र एक छोरा छन्।

कमलाले स्यालामा रहेको सरस्वती आधारभूत विधालयमा अध्यापन गर्दै आएकी थिइन्। उनका श्रीमान् कमल देवकोटाले पनि सोही बिधालयमा पढाउँछन्। दुबैजनाको मेहनत बाट स्यालामा नयाँ घर निर्माण गरेका थिए। स्थानीय यरी भन्छिन्।,, आफुले दुख गरेर बनाएको घरमा बस्दै नबसी ज्यान गयो। घर निर्माण गरेरपनी गृह प्रवेश गरिएको थिएन। घर निर्माणको समयमा भएको दुख सुनाउन्दै उनी रात सत्दैनथिन। ओलीकी साथि कमला यरी उनलाई सम्झिदै भन्छिन,, आफैले मेहनत गरेर जेनतेन घर निर्माण गरे अब केहि सुख मिलेको भन्दै खुसी साट्थिन।

उनका दुवै जना श्रीमान श्रीमती शिक्षक भएका कारण त्यही तलब बाट घर निर्माण गरे तर उनी नयाँ घरमा बस्न नपाएरै अस्ताइन। घरमा अन्दाजी ८ वर्षका छोरा र १४ वर्षिया छोरी आमाको बाटो हेरेर पर्खिरहेका छन्। तर कमला अब सदाको लागी बिदा भैसकेकी छन्। घरमा उनका श्रीमान र छोरीछोरी अचेत अवस्थामा छन् । भने स्याला गाउँ शोकमा डुबेको छ।

उकालो र भिरालो सडकमा जीप अनियन्त्रित भएर दुर्घटना हुँदा जीपमा सवार ८ जनाको मृत्यु भएको छ भने १० जना घाइते भएका छन्। जस मध्ये एकजनाको अवस्था गम्भीर छ। बोलेरो जीपमा क्षमता भन्दा धेरै यात्रु भएका कारण दुर्घटना भएको हुनसक्ने आशंका गरिएपनि प्रहरीले भने घटनाको कारण बारे अनुसन्धान भैरहेको जनाएको छ।