रुकुम पश्चिममा जीप दुर्घना भएको छ। सदरमुकाम मुसिकोट बाट आठबिसकोट ३ स्यालाखदी तर्फा आउँदै गरेको रा १ ज ४२२ नम्वरको जीप बाँफिकोट गाउँपालिका र आठबिसकोट नगरपालिकाको सीमाना स्थित झारमारेमा दुर्घटना भएको हो ।

उक्त घटनामा ८ जनाको मृत्यु भएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक हरिप्रसाद पुनले जानकारी दिए । घाइतेहरुको पहिचान खुलिसकेको छैन। भने प्रहरी चौकी नदुवा बाट घटनास्थलमा प्रहरी पुगिसकेको बताईएको छ। प्रहरीका अनुसार जीप सडकबाट करिब ७ सय मिटर तल खसेको छ।

जीपमा झन्डै २० जना यात्रु रहेको जनाइएको छ। त्यस्तै दुर्घटनाम ५ जना घाइते भएका छन। घाइतेहरुलाई जिल्ला अस्पताल सल्ले पठाईएको छ। भने अन्यको खोजी कार्य भैरहेको जनाएको छ। दुर्घटनाको कारण क्षमता भन्दा बढी यात्रु बोकेको हुनसक्ने प्रहरीले आशंका गरेको छ।