काठमाडौं । काठमाडौं उपत्यकामा आज ‘जेन–जी’ पुस्ताको प्रदर्शनमा घाइते भई विभिन्न अस्पतालमा उपचाररत १४ जनाको मृत्यु भएको छ ।
यसैगरी, विभिन्न अस्पतालमा १०० जनाभन्दा बढी घाइतेहरूको उपचार भइरहेको छ । ट्रमा सेन्टरमा उपचाररत ६ जनाको मृत्यु भएको छ । यसैगरी, २५ जना घाइतेको उपचार भइरहेको ट्रमा सेन्टरले जनाएको छ । उनीहरूमध्ये पाँच जनाको अवस्था गम्भीर रहेको छ ।
सिभिल अस्पतालका अनुसार उपचाररत घाइतेमध्ये हालसम्म तीन जनाको मृत्यु भएको छ । काठमाडौं मेडिकल कलेजमा उपचाररत २० घाइतेमध्ये एक जनाको मृत्यु भएको छ ।
एभरेष्ट हस्पिटलमा उपचाररत ३४ जना उपचारत छन् । तीन जनाको मृत्यु भएको छ । शिक्षण अस्पताल महाराजगञ्जमा उपचाररत एक जनाको मृत्यु भएको छ । त्यहाँ घाइते १६ जनाको उपचार भइरहेको छ ।
उपचाररत घाइतेलाई निःशुल्क उपचारको व्यवस्था गर्न स्वास्थ्य तथा जनसंख्या मन्त्रालयले निर्देशन दिएको छ । जेनजी प्रदर्शनमा भएको क्षतिको विस्तृत विवरण संकलन भइरहेको गृह मन्त्रालयका प्रवक्ता आनन्द काफ्लेले जानकारी दिए ।
