आठबिसकोट । संस्थागत सामाजिक उत्तरदायित्व अन्तर्गत एनएमबि बैंक आठबिसकोट शाखा रुकुम पश्चिमले राडीबजार क्षेत्रको सरसफाईको लागि नगरपालिका मार्फत डस्टबिन वितरण गरेको छ ।
आठबिसकोट नगरपालिकाका नगर उपप्रमुख धन कुमारी शाही र निमित्त प्रमुख प्रशासकीय अधिकृत राजेश गौतमको उपस्थितिमा नगरपालिकाको कार्यालयमै पुगेर बैंकका आठबिसकोट शाखा प्रमुख बिवश घिमिरे को नेतृत्वमा ३० वटा डस्टबिन बितरण गरिएको हो ।
समुदायको फोहोर व्यवस्थापन र सरसफाइका लागि बजार क्षेत्रमा डस्टबिन बितरण गरिएको बताइएको छ । बैकका अनुसार एनएमबि बैंक द्वारा संस्थागत सामाजिक उत्तरदायित्व अन्तर्गत बजार क्षेत्रका लागि ३० वटा डस्टबिन बितरण गरिएको हो । आज शुक्रवार बितरण गरिएको डस्टबिन नगरपालिकाको वडा नम्वर ९ मा रहेको नगर अस्पताल , राडीबजार क्षेत्रमा र वडा नम्वर ११ को सिमबजारमा फोहोर व्यवस्थापनको लागि डस्टबिन राखिएको हो ।
बैंकले देशका विभिन्न भागहरुमा यस्ता सामाजिक कार्यहरु गर्दै आइ रहेको र आगामी दिनहरुमा समेत यसलाई अझै फराकिलो र प्रभावकारी बनाउदै लगिने बताएका छन् ।
