काठमाडौं । सरकार र आन्दोलनरत नेपाल शिक्षक महासंघबीच ९ बुँदे सहमति भएपछी शिक्षकहरुले आन्दोलन फिर्ता लिएका छन्। । सरकारले संसद्को जारी वर्षे अधिवेशनबाटै शिक्षा ऐन पारित गर्ने प्रतिबद्धता सहित उनीहरुले आन्दोलन फिर्ता लिएका हुन्।
शिक्षा विधेयकलाई चालू अधिवेशनको १५ असारभित्र प्रतिनिधिसभाबाट पारित गराउन आ–आफ्ना तहबाट सम्पूर्ण प्रयास गर्न प्रतिबद्धता जनाएपछी सहमति जुटेको हो । ऐन जारी नभएसम्म सडक नछाड्ने अडान राखेका शिक्षकहरु सहमति पछि तत्काल आन्दोलन स्थगित गरिएको छ ।
२९ दिनदेखि शिक्षकहरूको सडक आन्दोलन पनि स्थगित भएको छ । सहमतिमा विद्यालय शिक्षा विधेयक असार १५ भित्र पारित गर्ने र शिक्षक–कर्मचारीका लागि स्वास्थ्य उपचारमा छुटको व्यवस्था गर्ने उल्लेख छ ।
सहमति पछि मन्त्रिपरिषद्ले शिक्षक, विद्यालय कर्मचारीलाई निजामती अस्पतालमा सहुलियतमा उपचारको व्यवस्था मिलाउने, राहतलगायत अस्थायी शिक्षकलाई बिरामी बिदा संचित गर्ने, सामाजिक सुरक्षा कोषमा आबद्ध गर्ने, ग्रेड समायोजन गर्ने, बाल विकास शिक्षकलाई न्यूनतम पारिश्रमिक उपलब्ध गराउने निर्णय गरेको छ ।
एक महिना देखि काठमाडौं मा जारी शिक्षक आन्दोलनले विद्यार्थीको पठनपाठन प्रभावित भएको थियो । सहमतिपछि बिहीबारदेखि देशभरका सामुदायिक विद्यालयमा पठनपाठन सुरु हुने छ ।
