काठमाडौं । केही दिन यता देखि तिव्र रुपमा प्रहरीले खोजिरहेका दुर्गा प्रसाईले आत्मसमर्पन गरेका छन्। राजतन्त्र पुनःस्थापनाका पक्षमा भइरहेका आन्दोलनका मुख्य कमाण्डर मानिएका दुर्गा प्रसाईँ नेपाल प्रहरीको खोजिमा थिए। प्रसाईले प्रहरीलाई एककिसिमको हैरानी दिएका थिए ।
प्रहरीकै घेराबाट फरार भएको १४ दिनपछी उनलाई झापाको भद्रपुरबाट पक्राउ गरिएको छ । फरार भएको केही दिनमा सरकारले आफुलाई मार्न खोजेपछि नेपालकै एक मन्दिरमा लुकेर बसेको दाबी गर्दै सामाजिक सञ्जालमा एउटा भिडिओ सन्देश राखेका प्रसाईलाई प्रहरीले समात्न सकेन । प्रहरीलाई नै झुक्याईरहेका प्रसाईले अन्तत भारतको प्रहरी समक्ष आफैले गिरफ्तारी दिए । आजै नेपाल प्रहरीको केन्द्रीय कार्यालयले शुक्रबार जारी गरेको विज्ञप्तिमा प्रसाईँलाई उनका सुरक्षागार्ड दीपक खड्कासहित नियन्त्रणमा लिएको जानकारी गराएको छ ।
पहिलो भिडिओ सन्देश पछि उनले आत्मरक्षाका लागि प्रहरी सामु आफै गिरफ्तारी दिने भिडिओ सार्वजनिक गरेका थिए । सोही अनुसार उनी पक्राउ परेका छन । काठमाडौं को तीनकुनेस्थित आन्दोलनलाई उत्तेजनात्मक ढंगले अगाडि बढाउँदै फरार रहेका प्रसाईँ हिजो भारतीय सुरक्षाकर्मीको नियन्त्रणमा परेका थिए । भारतीय राज्य आसामको प्रहरीद्वारा नेपाल प्रहरीसँगको समन्वयमा पक्राउ परेका उनी शुक्रबार नेपाल-भारत सीमाबाट नेपाल प्रहरीलाई बुझाइएको हो ।
