पोखरा, २०८३/०५/२६ — नेपाली चलचित्र ‘बध’ को छायांकन शुक्रबारदेखि पोखराबाट औपचारिक रूपमा सुरु भएको छ। नेत्र गुरुङको निर्देशनमा निर्माण भइरहेको यस चलचित्रमार्फत बद्री प्रसाद तिवारीले नेपाली ठूलो पर्दामा आफ्नो डेब्यु गर्दैछन्।
‘बध’ तीवारीको पहिलो चलचित्र भएकाले उनको फिल्मी यात्राको महत्वपूर्ण सुरुवातका रूपमा हेरिएको छ। चलचित्रमार्फत उनले पहिलोपटक ठूलो पर्दामा आफ्नो अभिनय प्रस्तुत गर्नेछन्।
चलचित्रमा आर्यन सिग्देल , बद्री प्रसाद तिवारी , प्रकाश घिमिरे ,वर्षा राउत , सोफि धरेल , सौगात करङ्गित , कमल भण्डारी र विकास खनाल लगायतका कलाकारहरूको अभिनय रहनेछ।
पोखराबाट सुरु भएको चलचित्रको छायांकन आगामी चरणमा विभिन्न स्थानमा जारी रहने निर्माण पक्षले जनाएको छ। नेत्र गुरुङको निर्देशनमा तयार हुँदै गरेको ‘बध’ ले तिवारीको ठूलो पर्दाको यात्रा सुरु गर्नुका साथै नेपाली चलचित्र क्षेत्रमा नयाँ प्रस्तुतिका रूपमा दर्शकको ध्यान आकर्षित गर्ने अपेक्षा गरिएको छ।
