काठमाडौँ । प्रधानमन्त्री कार्यालयमा बोलाईएको सांसदहरू सँगको छलफलमा समानुपातिक सांसदहरुलाई बैठकमा प्रवेश गर्न रोक लगाएको छ ।
सोमबार प्रधानमन्त्री बालेन्द्र शाहले कर्णालीका सांसदहरूसँग छलफल गर्न बोलाएको कार्यक्रममा सहभागी हुन पुगेकी समानुपातिक सांसद पार्वती विक लाई बैठकमा प्रवेश गर्न नदिई फर्काइएको हो।
नेपाली कम्युनिष्ट पार्टी (नेकपा)जाजरकोटबाट समानुपातिक सांसद बनेकी पार्वती बिकले आफुलाई बैठकमा बोलाएर प्रधानमन्त्री कार्यालयको गेटबाटै फर्काइएको गुनासो गरिन् । सांसद बिकले प्रधानमन्त्री कार्यालयले कर्णालीबाट निर्वाचित १२ जना प्रत्यक्ष सांसदहरूलाई मात्र बैठकमा प्रवेश गराइएको जानकारी दिइन् ।
विकले सामाजिक संजालमा यस्तो लेखेकी छन् ।,
आज प्रधानमन्त्री बालेन्द्र साहले कर्णालीका संसदहरुलाइ प्रधानमन्त्री कार्यलयमा बोलाएर छलफल गर्दै हुनुहुन्छ । त्यहा सामाणुपातिक प्रणालीबाट गएका संसदहरुलाइ गेट बाटै फर्काइयो । जो अपमानको सिकार म आफू पनि भए । बिश्वमा भएका निर्वाचन प्रणालीहरु मध्यमा हाम्रो देशमा मिश्रित निर्वाचन प्रणाली छ जो मध्य संबिधान त 60% प्रत्यक्ष हो भने 40% सामाणुपातिकबाट निर्वाचित आउने हो । निर्वाचन प्रणाली मात्र फरक हो संसदको प्रमाणपत्र र शपथ खाइसके पछि । सबै प्रतीनिधिसभा सदस्यको भुमिका हुन्छन । प्रधानमन्त्री ज्युले गरेको यो अपमान को मूल्य उहालाइ चर्को पर्न सक्छ ।
