मधेश वारियर्सले एक्सट्रिम इनर्जी ड्रिंक नेपाल भलिबल लिग (एनभीएल) मा सोमबार जित हात पारेको छ । लगातार ३ खेलमा पराजय भोगेको मधेशले आफ्नो चौथो खेलमा पहिलो जित निकालेको हो ।
एक्सट्रिम इनर्जी ड्रिंकको मुख्य प्रायोजन तथा केडिया ग्रुपको आयोजनामा त्रिपुरेश्वरस्थित राष्ट्रिय खेलकुद परिषद्को कभर्डहलमा भएको खेलमा रविन नगरकोटी मार्की खेलाडी रहेको मधेशले धिरोजकाजी बस्नेत मार्की खेलाडी रहेको खप्तड फाल्कन्सलाई ३–० को सोझो सेटमा पराजित ग¥यो । मधेश २५–२१, २५–२० र २५–२३ ले विजयी भयो । मेधशका जिविन सेबास्टियन ‘म्यान अफ द म्याच’ घोषित भए ।
यसअघि मधेश पहिलो खेलमा सगरमाथा स्म्यासर्ससंग ३–१, दोश्रोमा काठमाडौं रेड्ससंग ३–२ र अन्नपूर्ण स्पाइकर किङ्ससंग ३–१ ले चुकेको थियो । खप्तडको भने तेश्रो खेलमा लगातार हार हो । अघिल्ला दुई खेलमा पनि खप्तड सोझो सेटमै पराजित भएको थियो । खप्तडलाई सगरमाथा र कर्णाली शिवराजले हराएका थिए ।
काठमाडौंको दोश्रो शानदार जित ः
दोश्रो खेलमा काठमाडौं रेड्सले सगरमाथालाई २५–१२, २२–२५, २५–१८ र २५–२० को सेटमा पराजित गर्दै दोश्रो जित दर्ता ग¥यो । विजेताका अहमद मुस्तफा ‘म्यान अफ द म्याच’ चुनिए ।
काठमाडौंको ३ खेल पुगेको छ । मधेशलाई ३–२ ले हराएको काठमाडौं अन्नपूर्ण स्पाइकर किङ्ससंग सोझो सेटमा पछि परेको थियो । सगरमाथाको ४ खेलमा यो लगातार दोश्रो हार हो । सोमबार कर्णालीले सगरमाथालाई प्रतिस्पर्धात्मक खेलमा ३–२ ले हराएको थियो । सगरमाथाले पहिलो खेलमा मधेशलाई ३–१ तथा खप्तडलाई ३–० ले पन्छाएको थियो ।
प्रतियोगिता अन्तर्गत मंगलबार २ खेल हुनेछ । पहिलो खेल अन्नपूर्ण र खप्तड तथा दोश्रो खेल कर्णाली र काठमाडौंबीच हुनेछ ।
नेपाल भलिबल संघको सहयोगमा केडिया ग्रुपद्वारा आयोजित प्रतियोगितामा ६ पुरुष टिम सहभागी छन् । सहभागी टिमले पहिले सिंगल राउन्ड रोविन लिगका आधारमा खेल्ने छन् । लिगमा शीर्ष स्थानमा रहने टोली फाइनलमा प्रवेश गर्ने छ । शीर्ष दुई र तेश्रो स्थानमा रहने टोलीले फाइनल प्रवेशका लागि प्लेअफ खेल्ने छन् ।
नेपाल भलिबल लिगको कुल पुरस्कार राशी ३२ लाख रुपैयाँ रहेको छ । यो पुरस्कार नेपाली भलिबलकै इतिहासमा हालसम्मकै सर्वाधिक हो । विजेताले २० लाख नगद पुरस्कार प्राप्त गर्ने छ ।
कनेक्टेड वाइ एनसेल रहेको प्रतियोगिताको फ्लोरिङ पार्टनरमा यती कार्पेट, इन्टरनेट पार्टनरमा वल्र्ड लिंक, एडुकेसन पार्टनरमामा डिएभी स्कुल, इन्सुरेन्स पार्टनरमामा हिमालय लाइफ इन्सुरेन्स, टुरिजम पार्टनरमा नेपाल टुरिजम बोर्ड, हेल्थ पार्टनरमा रझान्स आयल र डिजिटल पार्टनरमा एक्स–ऐज रहेका छन् । पुरुष भलिबलको फ्रेनचाइज लिग नेपालमै पहिलोपटक भएको हो । फाइनल भदौ २७ गते हुनेछ ।
