रुकुम पश्चिम । अख्तियार दुरुपयोग अनुसन्धान आयोगले रुकुम पश्चिमको चौरजहारी नगरपालिकामा भएको घुस प्रकरणमा नगर प्रमुख पुष्प बादी सहित तीन जनाविरुद्ध आरोपपत्र दायर गरेको छ।
आयोगका अनुसार चौरजहारी नगरपालिका, रुकुम पश्चिममा असिस्टेन्ट सब–इन्जिनियर पदमा करार सेवामा कार्यरत कर्मचारीको म्याद थप गरिदिने क्रममा घुस/रिसवत लिएको आरोप लागेको हो।
यस प्रकरणमा चौरजहारी नगरपालिकाका नगर प्रमुख पुष्प वादीसहित अन्य दुई जनालाई प्रतिवादी बनाइएको छ।
आयोगले सार्वजनिक गरेको विवरण अनुसार सेवाको म्याद थप गरिदिने बहानामा घुस लिइ भ्रष्टाचार गरेको पुष्टि भएपछि मुद्दा दायर गरिएको हो।
मुद्दामा भ्रष्टाचार निवारण ऐन, २०५९ अनुसार रु १ लाख बराबर बिगो कायम गरी कैद तथा जरिवाना मागदाबी गरिएको छ। साथै, घुस रकम जफत गर्न पनि माग गरिएको आयोगले जनाएको छ।
आयोगले सार्वजनिक पदमा बसेका व्यक्तिले घुस लिने–दिने कार्य गैरकानुनी भएको भन्दै यस्ता गतिविधिविरुद्ध कडा कारबाही गरिने चेतावनी दिएको छ।
यस्तो छ अख्तियारको दायर पत्र
