प्रगतिशील लोकतान्त्रिक पार्टी जिल्ला समिती कास्कीको आयोजनामा पत्रकार सम्मेलन एवं उम्मेदवार परिचय कार्यक्रम शुक्रबार हिमालयन रिडर्स कर्नर पोखरामा सम्पन्न भएको छ ।
समानुपातिक बन्द सुची तर्फ प्रगतिशील लोकतान्त्रिक पार्टीका उम्मेदवार महेश सुनार (गोदार ) ले आफ्नो परिचयात्मक मन्तव्यमा देश चुनावमय भैसकेको बताएका छन । कसैले चुनाव हुन्छ भनेर दौडिएको र कोहि के हुन्छ के हुन्छ भनेर मौन बसेको समेत आफुले देखिरहेको व्यक्त गरे ।
उनले भने हिजोको जस्तो प्रत्यक्ष चुनावी माहोल छैन अहिलेको चुनाव सामाजिक सञ्जाल केन्द्रित जस्तै छ हामी सबैभन्दा कान्छो पार्टी हो कान्छोलाई माया गरिदिनु होला । सामाजिक र सांस्कृतिक रुपान्तरण आफ्नो मुख्य योजना हुनेछ भन्दै समाजका धेरै अङ्ग बिरामी रहेको र उपचार गर्नुपर्ने उनाले बताए ।
बोल्ने र गर्ने कुरा फरक हो देशमा आजसम्म माटो अनुसारको बाटो बनेन जहाँ बुद्ध बने त्यो माटो अनुसारको विकास गरिएन हामिले सिङ्गापुर र अमेरीका बनाउन खोजियो त्यसैले सहि विकास हुन नसकेको धाराणा व्यक्त गरेका थिए । तालै तालको शहर पोखरा ताल भनेको स्त्रीको आँखा जस्तै रहेको र त्यो आखामा गाजल लगायो भने संसारलाई मोहनी लगाउन सकिने हुँदा पर्यटनको अझ बढी विकास गर्न सकिने बताएका छन ।
साना साना कुराहरुलाई गम्भीर रूपमा मुल्यांकन गरेर योजना बनाउने हो भने विकासमा ठुला ठुला फड्को मार्न सकिने बताउदै पोखरा एउटा प्रमुख पर्यटकीय शहर भएकोले जतिसक्दो श्रिङ्गार गर्नुपर्ने र देश विदेशका पर्यटकहरुलाई लोभ्याउने गरि तयार गर्नुपर्ने उल्लेख गरेका थिए ।
आफ्ना योजनाहरु संक्षिप्तमा व्याख्या गर्दै महेशले भने अब रातको समयमा पनि फेवाताल निदाउनु हुँदैन घुम्न हेर्न आउनेहरुको लागि आकर्षक स्वरुपमा फेवाताललाई सजाएर आसपासका डाडाहरु देखि तालमा रङ्गिन प्रकाश पर्नेगरी लाइटहरु जडान गरिनु पर्छ साथै विकासको कुरा गरिरहँदा सामाजिक तथा सांस्कृतिक कुराहरुलाई समेत महत्त्वका साथ संरक्षण र प्रवर्द्धन गर्नुपर्ने बताएका थिए ।
