काठमाडौं । रसुवाको भोटेकोशीमा आएको विनाशकारी बाढीका कारण विभिन्न जिल्लामा गरी १ हजार १ सय २७ जनाको शव फेला परेको नेपाल प्रहरीले जनाएको छ ।
प्रहरीका अनुसार रसुवामा ४५, नुवाकोटमा १५५, धादिङमा ५९, चितवनमा ३४८, गोरखामा ६६, तनहुँमा ३८, नवलपरासी पूर्वमा २१७, नवलपरासी पश्चिममा १९० र भारतमा ९ जनाको शव फेला परेको हो ।
फेला परेका शवमध्ये १ हजार १ सय १३ जनाको लासजाँच मुचुल्का सम्पन्न भएको छ भने ९५ वटा शव आफन्तलाई हस्तान्तरण गरिएको प्रहरीले जनाएको छ ।
पहिचान हुन नसकेका ९ सय ११ शवको विवरण नेपाल प्रहरीको वेबसाइटमा समेत सार्वजनिक गरिएको छ ।
बाढी प्रभावित क्षेत्रमा उद्धार, खोजी, राहत वितरण तथा शव व्यवस्थापनलगायतका कार्यका लागि हालसम्म ७ हजार ९ सय १२ प्रहरी कर्मचारी परिचालन गरिएको छ । प्रभावित क्षेत्रबाट ६ हजार ५ सय ४१ जनाको उद्धार गरिएको प्रहरीले जनाएको छ ।
यस्तै, बाढीपछि हालसम्म बेपत्ता भएका ४ हजार ८ सय ५८ जनाको खोजी कार्य जारी रहेको छ ।
