सुजन बिश्वकर्मा

“सबल प्रवासी , समृद्ध नेपाल सुखी नेपाली ” भन्ने मुल नाराका साथ परदेशमा रहेर पनि नेपालीहरु बीच आपसी एकता , सद्भाव र मैत्रीपुर्ण सम्बन्धको विकास र विस्तार गर्ने साथै नेपाली समुदायको सामुहिक हकहितका लागि एकीकृत भइ सङ्गठित भएर काम गर्ने उदेश्यका साथ प्रवासी नेपाली मञ्चको स्लोभाकिया स्थित प्रवासी नेपाली मञ्च स्लोभाकिया केन्द्रिय कमिटी गठन भएको छ ।

अनलाइन एप्लिकेसन जुम मार्फत बसेको पहिलो भेला बाट केन्द्रीय कमिटिको कार्यसमिति समेत गठन गरि स्लोभाकियाको लागि प्रवासी नेपाली मञ्च आधिकारिक रूपमा गठन भएको छ ।

प्रवासी नेपाली मञ्चको केन्द्रिय सदस्य तथा युरोप ,अमेरिका इन्चार्ज घनश्याम पाण्डे प्रमुख अतिथि , प्रवासी नेपाली मञ्च अन्तर्राष्ट्रिय कमिटीका अध्यक्ष सञ्जय थापा बिशेष अतिथि , प्रवासी नेपाली मञ्च अन्तर्राष्ट्रिय कमिटीका सचीव तथा संगठन विभाग प्रमुख हेम शेर्पा बिशेष अतिथी साथै विभिन्न देशबाट निकै उल्लेखनीय उपस्थिति रहेको उक्त भेला बाट शर्मिला पौडेल उपाध्यक्ष पदका लागि सर्वसम्मत चयन भएकी छिन ।

वैदेशिक रोजगारीको सिलसिलामा केहि समय अघि देखि स्लोभाकियामा बस्दै आएकी शर्मिला पौडेल विभिन्न समयमा सामाजिक कार्यमा अग्रसर रहने साथै मेलमिलाप र सहयोगी भावनाकी छन । आफ्नो देशको भन्दा निकै भिन्न रहनसहन भाषा संस्कृती र कानुन रहेको परदेशको ठाउँमा बिगतमा पनि धेरै देशहरुका स्थितिहरु नियालीरहेको र आफ्ना नेपाली दाजुभाइ दिदिबहिनीहरुले भोग्नुपरेको असहजता , दुख पीडा र अन्य समस्याहरु लगायतका प्रसंगमा उक्त देशको मुल्य मान्यता निति नियम र कानुनलाई मध्यनजर गर्दै आफ्नो क्षमताले भ्याएसम्म सहजीकरण गराउने सक्रिय एउटा बलियो संगठन रहन सके धेरै कुरामा सहायता हुन सक्ने र साथसाथै नेपाली नेपाली बीच पनि आपसी एकता सद्भाव र मैत्रीपुर्ण सम्बन्ध कायम गर्न सकिने एउटा राम्रो पक्षलाई आत्मसाथ गर्दै आफू यो संगठनको एक हिस्सा बन्न उत्साहित रहेको उपाध्यक्ष शर्मिला पौडेलले बताइन् ।

नव गठित कार्यसमितिका लागि उपाध्यक्ष शर्मिला पौडेल सँगै रुद्र किसान अध्यक्ष , गोकर्ण भट्ट सचिव , तिलक प्रसाद शर्मा न्यौपाने उप-सचिव , रबि रिमाल उप-सचिव लगायत सदस्यहरुमा क्रमश प्रकाश भण्डारी , सन्तोष रानामगर ,धमेन्द्र दाहाल , कासिराम तिवारी ,दिपेश खत्री ,तारा खड्का ,जीवन भट्टराई , उमेश बास्तोला , सरु भट्टराई घिमिरे , विजय शर्मा , सुजन खत्री , नितु खत्री , अनामिका खड्का , बिमल भण्डारी , देब बि.क. , लुम प्रसाद तिवारी सहितको कार्यसमिती सर्वसम्मत चयन भएको हो ।

कार्यसमिति गठन लगत्तै अब नियमित रुपमा प्रवासी नेपाली मञ्च स्लोभाकियाको कार्यक्रम र भेलाहरुलाई आफ्ना उदेश्य र नाराहरमा केन्द्रित रहेर अगाडि बढाउने निर्णय गरिएको उपाध्यक्ष पौडेलले जानकारी दिइन् ।