नेपाली महिला राष्ट्रिय फुटबल टोलीको एएफसी एसियन कप खेल्ने सपना फेरि एकपटक अधुरै बनेको छ ।
Advertisement
शनिबार उज्वेकिस्तानमा भएको छनोट चरणको निर्णायक तथा अन्तिम खेलमा नेपालले घरेलु टोलीविरुद्ध अविश्वसनीय पुनरागमन गरे पनि पेनाल्टी सुटआउटमा पराजित हुँदै प्रतियोगिताबाट बाहिरिएको हो ।
दुई गोलले पछि परेको स्थिति उल्टाउँदै निर्धारित ९० मिनेटको खेल ३-३ को रोमाञ्चक बराबरीमा टुंग्याएपछि खेलको निर्णय पेनाल्टी सुटआउटबाट लिइएको थियो । तर, पेनाल्टीमा नेपाल दुर्भाग्यशाली सावित भयो र ४-२ ले पराजय भोग्न बाध्य भयो ।
