नेपालले आइसिसी क्रिकेट विश्वकप लिग–२ मा फिल्डिङ गरिरहेको छ । सो लिगको त्रिकोणात्मक एक दिवसीय शृङ्खलाको दोस्रो खेलमा नेदरल्यान्डविरुद्ध पहिला फिल्डिङ गरिरहेको हो ।
Advertisement
खेल स्कटल्यान्डको डुन्डेस्थित फोर्टहिल क्रिकेट मैदानमा नेदरल्यन्ड्सका कप्तान स्कट एड्वार्डले टस जितेर ब्याटिङको निर्णय लिए पछि नेपाल फिल्डिङमा उत्रिएको हो ।
सोमपाल कामीले पहिलो विकेट लिइसकेका छन् । पहिलो खेलमा घरेलु टोली स्कटल्यान्डविरुद्ध एक विकेटको रोमाञ्चक जित निकालेको नेपाल त्यो लयलाई निरन्तरता दिने सोचमा छ ।
नेपाल र नेदरल्यान्ड्सबीच हालसम्म पाँच एक दिवसीय अन्तर्राष्ट्रिय खेल भएका छन् । जसमा नेदरल्यान्ड्स तीन तथा नेपाल दुई खेलमा विजयी भएका छन् ।
नेदरल्यान्ड्स २० खेलमा २६ अङ्कका साथ दोस्रो स्थानमा छ । नेपाल १३ खेलबाट आठ अङ्कका साथ सातौँ स्थानमा छ ।
