काठमाडौं । थाइल्याण्मा जारी आइसिसी महिला टी–२० क्रिकेट विश्वकप एसिया छनोटअन्तर्गत युएईलाई हराउँदै नेपाल ग्लोबल छनोटमा प्रवेश गरेको छ ।

आज भएको खेलमा यूएईलाई हराउँदै नेपाली राष्ट्रिय महिला टोली एक खेलअगावै आईसीसी महिला टी–२० विश्वकप एसिया छनोटबाट ग्लोबल छनोटमा प्रवेश गरेको हो ।

सोमबार भएको सुपर–३ को आफनो पहिलो खेलमा यूएईलाई ५ विकेटले हराउँदै नेपाल ग्लोबल छनोटमा प्रवेश गरेको हो । एसिया क्षेत्र छनोटबाट नेपालसँगै थाइल्यान्डले ग्लोबल छनोटमा स्थान बनाएका हुन् । लगातार दुई खेलमा हार भोगेको युएई सुपर ३ बाट नै बाहिरिएको छ ।

टस हारेर पहिला ब्याटिङ गर्दै युएईले दिएको ११५ रनको लक्ष्य पछ्याएको नेपालले ३ बल अगावै ५ विकेटको क्षतिमा भेट्टायो । नेपालका लागि ओपनर सम्झना खड्काले २१ रन बनाउँदै सुरक्षा कोटेको बलमा कट एण्ड बोल्ड भइन् । रुविना क्षेत्री २३ रन बनाउँदा इशा ओझाको बलमा क्याच आउट हुन पुगिन् ।