इजरायलले गाजा क्षेत्रमा अचानक भीषण आक्रमण गरेको छ ।आक्रमणमा बालबालिका सहित एक सय भन्दा बढीको मृत्यु भएको छ। युद्धविरामका कारण २ महिना रोकिएको आक्रमण इजरायलले फेरि सुरु गरेको हो। इजरायली सेना आईडीएफले हमास समूह लक्षित आक्रमण तीव्र पारेको बताएको छ।
आईडीएफले यो आक्रमण तत्काल नरोकिने र स्थलगत आक्रमण पनि सुरु हुने बताएको छ। त्यसअघि इजरायली प्रधानमन्त्र बेन्जामिन नेतन्याहूले हमासविरुद्ध कडा कारबाहीको आदेश दिँदै आवश्यक सैन्य शक्ति बढाइने बताएका थिए।
गत जनवरी १९ मा इजरायल र हमास समूहबीच युद्धविराम सहमति भएपछि आक्रमण रोकिएको थियो। युद्धविराम पहिलो चरणमा मात्रै कार्यान्वयन भयो। इजरायल र अमेरिकाले हमास समूहलाई सबै बन्धक तत्काल रिहा गर्न दबाब दिँदै आए पनि हमास समूहले रिहा गर्न मानेको थिएन।
बन्धक रिहा नगरे कडा कारबाही गर्ने चेतावनी दुवै देशले दिएका थिए। अमेरिकी रक्षामन्त्री इजरायल काट्जले सबै बन्धक फिर्ता नगरिए हमासलाई नर्कको बाटो देखाउने चेतावनी दिएका थिए। अमेरिकी राष्ट्रपति डोनाल्ड ट्रम्पले बिनासर्त बन्धक रिहा नगरे निर्णायक कारबाही गर्ने बताएका थिए।
