रुकुम पश्चिम । एनएमबी बैंक आठबिसकोट शाखा द्वारा संस्थागत सामाजिक उत्तरदायित्व अन्तर्गत विपद व्यवस्थापनका लागि विपदको समयमा प्रयोग हुने सामग्री हस्तारण गरिएको छ।
विपद्को समयमा अग्रपंक्तिमा खटिएर उद्धार तथा जोखिम न्यूनीकरणमा महत्त्वपूर्ण भूमिका निर्वाह गर्ने नेपाल प्रहरी र नगर प्रहरीलाई आवश्यक विपद् व्यवस्थापन सामग्री हस्तान्तरण गरिएको हो ।
एनएमबी बैंक आठबिसकोट शाखाले आफ्नो संस्थागत सामाजिक उत्तरदायित्व (CSR) कार्यक्रमअन्तर्गत विपद् व्यवस्थापनलाई सहयोग पुर्याउने उद्देश्यले उक्त सामग्री संयुक्त रूपमा नेपाल प्रहरी र नगर प्रहरीलाई वितरण गरेको हो।
बैंकले विपद्का बेला प्रयोग हुने अत्यावश्यक सामग्री हेल्मेट, गमबुट,टर्च,स्ट्रेचर,बेल्चा फायर एक्स्टिङ्गुइशर लगायतका उद्धारमा प्रयोग हुने अन्य आवश्यक विपद् उद्धार सामग्री संयुक्त रूपमा नेपाल प्रहरी र नगर प्रहरीलाई उपलब्ध गराएको हो।
एनएमबी बैंक आठबिसकोट शाखाले संस्थागत सामाजिक उत्तरदायित्व (CSR) अन्तर्गत विगतदेखि नै शिक्षा, स्वास्थ्य, विपद् व्यवस्थापन तथा समुदायमुखी विभिन्न सामाजिक कार्यक्रमहरू सञ्चालन गर्दै आएको छ। बैंकले दुर्गम क्षेत्रमा रहेका समुदायको आवश्यकता पहिचान गर्दै सहयोगमूलक कार्यक्रमलाई निरन्तरता दिएको उल्लेख गरेको छ। यस्ता सामाजिक उत्तरदायित्वका कार्यक्रममार्फत स्थानीय समुदायलाई आवश्यक सहयोग पुर्याउनुका साथै विपद् व्यवस्थापनको क्षमता अभिवृद्धि, मानवीय सेवाको प्रवर्द्धन र समग्र समाजमा सकारात्मक योगदान पुर्याउँदै आएको छ।
बैंकले विपद्का समयमा अग्रपंक्तिमा खटिने सुरक्षा निकायको भूमिका अत्यन्तै महत्वपूर्ण हुने उल्लेख गर्दै बैंकले सामाजिक उत्तरदायित्व अन्तर्गत समुदायको सुरक्षामा योगदान पुर्याउने उद्देश्यले आवश्यक सामग्री उपलब्ध गराएको हो । बिगतमा पनि सामाजिक उत्तरदायित्व अन्तर्गत बिभिन्न कार्यक्रम गर्दै आएको र भविष्यमा पनि यसलाई निरन्तरता दिने जानकारी दिइएको छ ।
सामग्री हस्तान्तरण कार्यक्रममा बैंकका आठबिसकोट शाखा प्रमुख विवश घिमिरे जनप्रतिनिधि,बुद्धिजीवी नेपाल प्रहरी, नगर प्रहरी तथा स्थानीय सरोकारवालाको उपस्थिति रहेको थियो।
एनएमबि बैंक आठबिसकोट शाखा रुकुम पश्चिमले आठबिसकोट नगरपालिकाका नगर उपप्रमुख धन कुमारी शाही र निमित्त प्रमुख प्रशासकीय अधिकृत राजेश गौतम,इलाका प्रहरी प्रमुख विजय चापागाईं र अन्य बिशिस्ट व्यक्तिहरुको उपस्थितिमा नगरपालिकाको कार्यालयमै पुगेर विपद व्यवस्थापन सामग्री हस्तान्तरण गरिएको हो ।
