रुकुम पश्चिमको आठबिसकोट नगरपालिका अन्तर्गत सञ्चालित आठबिसकोट नगर अस्पतालमा कार्यरत स्वास्थ्य सेवामा करार कर्मचारीहरूले विभिन्न माग राख्दै गरेको सामुहिक राजीनामा फिर्ता लिएका छन्। उनीहरुले तलब बढाउनुपर्ने भन्दै गत असार १० गते सामुहिक राजीनामा दिएका थिए।
३६ जना करार सेवामा कार्यरत स्वास्थ्यकर्मीहरूले सेवा सुविधा बढाउनुपर्ने माग सहित नगरपालिका लाई राजीनाम्म बुझाएका थिए। बिहिवार नगरपालिका र स्वास्थ्यकर्मी बीच ४ बुदे सहमति भएपछी पुन काममै फर्किएका छन्।
स्रोतका अनुसार नगरपालिकाले उनीहरुको राजीनामा स्वीकृत गर्ने र नयाँ कर्मचारी माग गर्ने निर्णय गर्न लागेपछि उनीहरुले त्यसो नगर्न भन्दै पुरानै सेवासुविधामा काम गर्न तयार भएको जनाएको छ । सहमति पत्रको १ नम्वर बुँदामा भनिएको छ। हाल खईपाई आएको तलब यथावत राखिनेछ। स्वईच्छा राजीनामा दिएको भन्दै नगरपालिकाले उनीहरुको राजीनामा स्वीकृतगर्ने प्रक्रियामा थियो।
तलब बढाउनुपर्ने माग सहित राजीनामा दिएका कर्मचारी अन्तत पुरानै तलबमा काम गर्न सहमत भएका हुन्। प्रयोगशाला र एक्सरेमा कार्यरत कर्मचारी लाई दिदै आएको २० प्रतिशत जोखिम भत्ता लाई २५ प्रतिशत पुर्याईएको छ। भने कार्यालय समय बाहेक अतिरिक्त समयमा काम गरेमा अतिरिक्त सेवा प्रदान गरिने सहमति पत्रमा लेखिएको छ।
