मुसिकोट नगर प्रहरीले अटो चालकलाई कुटेपछि अटो व्यवसायी आन्दोलित नगरपालिका घेराउ

रुकुम पश्चिमको मुसिकोट नगरपालिकामा अटो चालक माथि नगरप्रहरी द्धारा हातपात भएको भन्दै अटो व्यवसायिहरु आन्दोलित भएका छन् । अटो व्यवसायिलाई नगर प्रहरीले चेकचाँचको क्रममा कुटपिट गरेको भन्दै आन्दोलनमा उत्रिएका हुन् ।

अटो व्यवसायिहरुले आज विहानै देखि मुसिकोट नगरपालिका घेराउ, सडक अवरोध, लगायत नाराबाजि गर्दै सडकमा उत्रिएका थिए ।
अटो व्यवसायिहरुले नगर प्रहरीले हातपात गरेको भन्दै आन्दोलनमा उत्रिएका हुन्। बिहानै देखी सडकमा अटो राखेर आन्दोलित भएका व्यवसायीहरुका कारण सडक समेत अवरुद्ध भएको थियो।