प्रतिनिधि सभा सदस्य हर्क साम्पाङले बालेन सरकारप्रति कडा टिप्पणी गरेका छन्। उनले सरकार जनताको अपेक्षा अनुसार काम गर्न असफल भएको आरोप लगाउँदै प्रधानमन्त्रीलाई राजीनामा दिन आग्रह गरेका हुन्।
साम्पाङले भने, “सरकार असफल भयो। अब राजीनामा दिएर मार्ग प्रशस्त गरिदिए राम्रो हुन्छ। गरीब जनताको सहारा बन्न नसक्ने सरकार असफल हो। अब अर्को व्यक्तिले नेतृत्व लिँदा देशका लागि राम्रो हुन्छ।”
उनको भनाइ सामाजिक सञ्जालमार्फत सार्वजनिक भएको हो, जसले अहिले राजनीतिक वृत्तमा चर्चा पाएको छ। उनले विशेषगरी आर्थिक अवस्था कमजोर भएका नागरिकको पक्षमा सरकार प्रभावकारी बन्न नसकेको आरोप लगाएका छन्।
हाल देशमा बढ्दो महँगी, बेरोजगारी र सेवा प्रवाहमा देखिएको कमजोरीका कारण सरकारप्रति जनस्तरमा असन्तुष्टि बढिरहेको सन्दर्भमा साम्पाङको यो अभिव्यक्ति आएको हो। उनको यस अभिव्यक्तिपछि सरकार पक्ष र विपक्षी दलबीच थप राजनीतिक बहस चर्किने अनुमान गरिएको छ।
