रुपन्देहीको बुटवलस्थित एक क्लिनिकमा उपचारका क्रममा चरम लापरबाही हुँदा एक गर्भवती महिलाको मृत्यु भन्दै प्रहरीमा जाहेरी परेको छ। पाल्पाको बगनासकाली गाउँपालिका-२ की गीता पाण्डेको गर्भपतन गराउने प्रक्रियामा स्वास्थ्य बिग्रिएर मृत्यु भएपछि प्रहरीले तीन जनालाई पक्राउ गरेको हो।

आइतबार साँझ पाण्डेको मृत्यु भएपछि आक्रोशित आफन्तले पाँच जनाविरुद्ध इलाका प्रहरी कार्यालय बुटवलमा किटानी जाहेरी दर्ता गराएका छन्। रेडक्रस सोसाइटीकी कर्मचारी समेत रहेकी ३१ वर्षीया पाण्डे करिब १२ हप्ताको गर्भ अस्वस्थ भएपछि श्रीमान सहित उपचारका लागि बुटवल आएकी थिइन्।

घटनामा संलग्न रहेको आरोपमा प्रहरीले जोनल हेल्थ क्लिनिककी सन्ध्या बस्नेत, जोनल फार्मेसी क्लिनिककी निलम घर्तीमगर र इन्दुलेखा क्लिनिकका खगेन्द्र पाण्डेलाई पक्राउ गरिएको छ।