रुकुम पश्चिम । जिल्लाको आठबिसकोट नगरपालिका भरका सामुदायिक विद्यालयहरू लाई उछिन्दै गोतामकोटको सरस्वती मावी मिग्रीले उत्कृष्ट नतिजा ल्याएको छ ।
शैक्षिक क्षेत्रमा उल्लेखनीय सुधार गर्दै संस्थागत (निजी) विद्यालयलाई कडा टक्कर दिएको छ । उक्त विधालयले हालै सार्वजनिक भएको पालिका स्तरीय कक्षा-८ को शैक्षिक नतिजाअनुसार ९४ प्रतिशत अंक ल्याएर उत्कृष्ट उपलब्धि हासिल गरेका हो ।
सरस्वती मावी मिग्रीबाट ५४ जना बिद्यार्थी आधारभूत तह कक्षा-८ को परिक्षामा सहभागी भएकोमा ५१ जना उतिर्ण भएका छन् । प्रतिशतका आधारमा ९४.४४ रहेको छ । आठबिसकोट नगरपालिकाका १ संस्थागत सहित २३ वटा विधालयबाट ९७२ जनाले आधारभूत तह कक्षा ८ को परीक्षा दिएका थिए। त्यस्तै हिमालय मावी दाजेले ८२ प्रतिशत नतिजा ल्याएर सामुदायिक विधालय तर्फ दोस्रो बनेको छ । अन्य बिद्यालयका तुलनामा यी दुई बिद्यालयले उत्कृष्ट नतिजा ल्याएका हुन् ।
यसरी, ९४ प्रतिशत उत्कृष्ट नतिजाले सामुदायिक विद्यालयहरू संस्थागत विद्यालयका बलिया प्रतिस्पर्धी बनेको स्पष्ट संकेत गरेको छ।
