रुकुम पश्चिमको आठबिसकोट नगरपालिकाले आधारभूत शिक्षा अन्तर्गत कक्षा ८ को परीक्षाको नतिजा सार्वजनिक गरेको छ। सार्वजनिक गरिएको विवरण अनुसार नगरपालिकाभित्रका विभिन्न विद्यालयका विद्यार्थीहरूको समग्र उत्तीर्ण दर करिब ८० प्रतिशत रहेको छ।
नगरपालिकाले उपलब्ध गराएको तथ्यांक अनुसार नियमिततर्फ कुल ९ सय ७२ मध्ये जम्मा ३ सय ७२ विद्यार्थी परीक्षामा उतिर्ण भएका छन् ।
नतिजा विवरणमा केही विद्यालयले उत्कृष्ट प्रदर्शन गरेका छन्। विशेषगरी पिसजोन एजुकेसनल एकेडेमी विद्यालयले शतप्रतिशत नतिजा हासिल गरेको छ । उक्त स्कुलले ४२ जना विद्यार्थी मध्ये ४२ जना नै उतिर्ण बनाउन सफल भएको छ ।
त्यस्तै केही विद्यालयको नतिजा शुन्य देखिएको छ। सरस्वती आधारभूत विधालय मैडाँडा र त्रीवेणी आधारभूत बिद्यालय स्यानीबार्खुको नतिजा शुन्य रहेको छ ।
यसले विद्यालयहरूबीच शैक्षिक गुणस्तरमा फरक रहेको संकेत गरेको छ।
नतिजा अनुसार अन्य विद्यालयमा पनि उत्तीर्ण दर निकै कम देखिएको छ, जसले शिक्षण सिकाइ प्रक्रियामा थप सुधार आवश्यक रहेको देखाउँछ। नगरपालिकाले यस्ता विद्यालयहरूलाई लक्षित गरी सुधारात्मक कार्यक्रम सञ्चालन गर्न आवश्यक छ ।
नतिजा हेर्नुहोस।
