इस्लामावाद । अमेरिका र इरानबिचको ऐतिहासिक शान्ति वार्ता कुनै ठोस सहमति बिना नै टुङ्गिएको छ। लगातार २१ घण्टासम्म चलेको सघन छलफलपछि अमेरिकी प्रतिनिधिमण्डलले इरान आफ्ना सर्तहरूमा सहमत हुन नसकेको भन्दै वार्ता निष्कर्षविहीन भएको घोषणा गरेको हो।
आइतबार, २९ चैत २०८२
logo
नेपाली
यहाँ टाईप गर्नुहोस् …
राजनीतिउपसभामुखसाहित्यआईपीएलदुर्घटनासंसद् बैठकइरान युद्धकाठमाडौँ महानगरपालिकाडोनाल्ड ट्रम्पआईपीएल २०२६प्रतिनिधि सभाप्रतिनिधिसभाअपराधमूल्यवृद्धिवर्षा
logo
यहाँ टाईप गर्नुहोस् …
समाचार
एक्सक्लुसिभ
प्रदेश
अर्थतन्त्र
विचार
स्वास्थ्य
मनोरञ्जन
खेलकुद
शिक्षा
स्पेसल
अन्य
ग्लोबल
ताजालोकप्रिय
लापसे चेकिङमा सार्वजनिक सवारीका दुई चालक पक्राउ
नेपाली श्रमिकहरूले थप बिल र रसिद देखाउनु पर्दैन : अध्यागमन विभाग
कैलालीमा जिप र मोटरसाइकल ठोकिदा एक जनाको मृत्यु
सत्ता उथलपुथलको वर्ष– ०८२ : जेनजी आन्दोलनसँगै सङ्घीय राजनीतिमा बालेनको उदय
अमेरिकाको नियतमा इरानको शंका : अवाञ्छित माग नछोडे वार्ता सफल नहुने चेतावनी
इस्लामावाद वार्ता निष्कर्षविहीन : अमेरिकाले राख्यो ‘अन्तिम प्रस्ताव’
खराब लय अन्त्य गर्दै च्याम्पियन्स लिग दौडमा लिभरपुल कायमै
आज वनस्पति दिवस : हरित अर्थतन्त्रको विकासमा जोड
२४ घन्टाका ताजा अपडेट
Global IME bank
इरान युद्ध
इस्लामावाद वार्ता निष्कर्षविहीन : अमेरिकाले राख्यो ‘अन्तिम प्रस्ताव’
लचिलो बन्ने प्रयास गर्यौँ, तर इरानी पक्ष हाम्रा सर्तहरू मान्न तयार भएन : जेडी भान्स
Royal Enfield
एजेन्सीएजेन्सी
आइतबार, २९ चैत २०८२, ०७ : ५१
7.7K
Shares
facebook sharing buttontwitter sharing buttonlinkedin sharing buttonsharethis sharing button
NMB
इस्लामावाद वार्ता निष्कर्षविहीन : अमेरिकाले राख्यो ‘अन्तिम प्रस्ताव’
संग्रह
ai logo सारांश
अमेरिका र इरानबिचको शान्ति वार्ता कुनै ठोस सहमति बिना नै टुङ्गिएको छ।
अमेरिकी उपराष्ट्रपति जेडी भान्सले अमेरिकाले इरानसमक्ष आफ्नो अन्तिम प्रस्ताव राखेको जानकारी दिएका छन्।
इरानको विदेश मन्त्रालयले अमेरिकाले अत्यधिक र गैरकानुनी मागहरू राखेको आरोप लगाएको छ।
इस्लामावाद । अमेरिका र इरानबिचको ऐतिहासिक शान्ति वार्ता कुनै ठोस सहमति बिना नै टुङ्गिएको छ। लगातार २१ घण्टासम्म चलेको सघन छलफलपछि अमेरिकी प्रतिनिधिमण्डलले इरान आफ्ना सर्तहरूमा सहमत हुन नसकेको भन्दै वार्ता निष्कर्षविहीन भएको घोषणा गरेको हो।
वार्तापछि सञ्चारकर्मीहरूलाई सम्बोधन गर्दै अमेरिकी उपराष्ट्रपति जेडी भान्सले अमेरिकाले आफ्नो ‘रेड लाइन’ प्रस्ट पारेको तर इरानले त्यसलाई स्वीकार नगरेको बताए। उनले भने, ‘हामीले निकै लामो समय खर्चिएर लचिलो बन्ने प्रयास गर्यौँ, तर इरानी पक्ष हाम्रा सर्तहरू मान्न तयार भएन।’
भान्सले अमेरिकाले इरानसमक्ष आफ्नो ‘अन्तिम र उत्कृष्ट’ प्रस्ताव राखेको र अब त्यसलाई स्वीकार गर्ने वा नगर्ने जिम्मा इरानकै हातमा रहेको उल्लेख गरे।
अमेरिकी टोलीमा राष्ट्रपति ट्रम्पका ज्वाइँ जारेड कुश्नर र मध्यपूर्वका लागि विशेष दूत स्टिभ विट्कफ पनि सहभागी थिए।
उपराष्ट्रपति भान्सले इरानको आणविक कार्यक्रमलाई पूर्ण रूपमा रोक्नु नै ट्रम्प प्रशासनको मुख्य लक्ष्य रहेको दोहोर्याए। इरानको आणविक क्षमता ध्वस्त पारिएको दाबी गर्दै उनले भविष्यमा इरानले कहिल्यै परमाणु हतियार नबनाउने प्रतिबद्धता नजनाएसम्म सम्झौता हुन नसक्ने प्रस्ट पारे।
वार्ता विफल भए पनि पाकिस्तानको मध्यस्थकर्ता भूमिकाको भने अमेरिकाले उच्च प्रशंसा गरेको छ। भान्सले पाकिस्तानी प्रधानमन्त्री र फिल्ड मार्शल मुनिरलाई धन्यवाद दिँदै वार्तामा कुनै कमी भए त्यो पाकिस्तानको कारणले नभएको स्पष्ट पारे। वार्ता निष्कर्षविहीन भएपछि अमेरिकी प्रतिनिधिमण्डल अहिले पाकिस्तानबाट फर्किने तयारीमा छ।
यता, इरानको विदेश मन्त्रालयले पनि एक विज्ञप्ति जारी गर्दै अमेरिकाले अत्यधिक र गैरकानुनी मागहरू राखेको आरोप लगाएको छ। इरानले आफू खुला दिमागका साथ वार्तामा आएको भए पनि अमेरिकाले इरानको वैध अधिकार र स्वार्थलाई सम्मान गर्नुपर्ने अडान राखेको छ।
दुवै पक्ष आ-आफ्नो अडानमा अडिग रहेपछि मध्यपूर्वको तनाव अन्त्य गर्ने यो ठुलो प्रयास अहिलेलाई असफल साबित भएको छ।
