काठमाडौँ । चीनले आफ्नो विकास यात्राको नयाँ अध्यायका रूपमा सन् २०२६ देखि २०३० सम्म कार्यान्वयन हुने १५औँ पञ्चवर्षीय योजना सार्वजनिक गरेको छ। यो योजना चीनको भविष्यको मार्गचित्र मात्र नभई विश्व अर्थतन्त्रमा आफ्नो अग्रसरता कायम राख्ने रणनीतिक दस्तावेजका रूपमा हेरिएको छ।
अनुसन्धानकर्ता डा. सीता ढुंगानाका अनुसार उक्त योजना दुई चरणको व्यापक छलफल र जनपरामर्शपछि तयार पारिएको हो। योजनाको कार्यान्वयन तथा कानुन निर्माणको जिम्मेवारी नेशनल पिपुल्स कंग्रेसले लिनेछ भने चिनियाँ जनराजनीतिक परामर्शदात्री सम्मेलनले सल्लाहकार भूमिका निर्वाह गर्ने बताइएको छ।
यो योजनाले चीनलाई विश्वको सबैभन्दा ठूलो अर्थतन्त्र बनाउने लक्ष्य लिएको छ। आर्थिक वृद्धिदरलाई ४.५ देखि ५.५ प्रतिशतसम्म कायम राख्दै कुल अर्थतन्त्रको आकारलाई १४० ट्रिलियनसम्म पुर्याउने महत्वाकांक्षी लक्ष्य राखिएको डा. ढुंगानाले जानकारी दिनुभयो।
उहाँका अनुसार यो योजना चीनको ‘मास्टर गाइडिङ डकुमेन्ट’ का रूपमा रहनेछ, जसले आगामी पाँच वर्षका लागि राज्य नीति तथा स्रोत बाँडफाँडलाई दिशा निर्देश गर्नेछ। जसले आगामी पाँच वर्षको राज्य नीति र स्रोत बाँडफाँडलाई निर्देशित गर्नेछ । चीनको १५ औँ पञ्चवर्षीय योजनाको प्रश्तावनामै ‘विज्ञान र प्रविधि आगामी पाँच वर्षको राष्ट्रिय विकासको मुख्य चालक शक्ति हुनेछ’ भनी स्पष्ट पारिएको छ । चीनले अबको युगमा प्रविधिमा पूर्ण रूपमा आत्मनिर्भर हुने लक्ष्य राखेको छ
योजनाको प्रस्तावनामै ‘विज्ञान र प्रविधि आगामी पाँच वर्षको राष्ट्रिय विकासको मुख्य चालक शक्ति हुनेछ’ भन्ने स्पष्ट उल्लेख गरिएको छ। चीनले आगामी दिनमा प्रविधिमा पूर्ण आत्मनिर्भरता हासिल गर्ने लक्ष्य राख्दै अनुसन्धान, नवप्रवर्तन र उच्च प्रविधिमा लगानी बढाउने रणनीति अघि सारेको छ। विश्लेषकहरूका अनुसार यो योजना सफल कार्यान्वयन भएमा चीनले विश्व अर्थतन्त्रमा अझ सशक्त भूमिका खेल्ने अपेक्षा गरिएको छ।
