काठमाडौं । राष्ट्रिय स्वतन्त्र पार्टीका वरिष्ठ नेता बालेन्द्र शाह (बालेन) नेपालको प्रधानमन्त्रीमा नियुक्त भएका छन्। राष्ट्रपति रामचन्द्र पौडेल ले शुक्रबार उनलाई संविधानको धारा ७६ (१) अनुसार प्रधानमन्त्री पदमा नियुक्त गरेका हुन्।

रास्वपाले प्रतिनिधिसभामा स्पष्ट बहुमत (१८२ सिट) प्राप्त गरेपछि शाहलाई संसदीय दलको नेता चयन गरिएको थियो, जसले उनको प्रधानमन्त्री बन्ने बाटो सहज बनाएको हो।

शाहले आजै शीतल निवासमा पद तथा गोपनीयताको शपथ लिने कार्यक्रम रहेको छ। शपथ समारोहमा विभिन्न राजनीतिक दलका नेता, कूटनीतिक नियोगका प्रतिनिधि तथा उच्च सरकारी अधिकारीहरूको सहभागिता रहनेछ।

शपथपछि शाहले सिंहदरबारस्थित प्रधानमन्त्री तथा मन्त्रिपरिषद्को कार्यालयमा पदभार ग्रहण गर्नेछन्। साथै, प्रधानमन्त्रीसँगै मन्त्रिपरिषद्का सदस्यहरूले पनि शपथ लिने तयारी गरिएको छ।