प्रतिनिधि सभा निर्वाचन अन्तर्गत रुकुम पश्चिममा प्रगतिशील लोकतान्त्रिक पार्टी (प्रलोपा) का उम्मेदवार जनार्दन शर्मा पाचौँ पटक चुनावी प्रतिस्पर्धामा छन्। यस क्षेत्रमा नेपाली कम्युनिस्ट पार्टी नेकपा,रास्वपा, नेपाली काँग्रेसका दलहरु मुख्य प्रतिस्पर्धामा छन् ।
अन्य दलका उम्मेदवारहरूले शर्मालाई चुनौती दिँदैछन्।
२०४८ सालदेखि उम्मेदवार रहेका जनार्दन र अन्य दलका उम्मेदवारहरूबीच रोचक प्रतिस्पर्धा हुने देखिन्छ।
जनार्दन शर्मा तत्कालीन माओवादी फुटेपछी नयाँ पार्टी प्रलोपा खोलेर पाचौं पटक संसदीय निर्वाचनमा उम्मेदवार बनेका हुन् । मुख्यत आफ्नै चुनावी कमान्डर नेकपाका उम्मेदवार गोपाल शर्मा सँग जनार्दन लाई चुनौतीपूर्ण प्रतिस्पर्धा देखिन्छ ।
आफ्नो पक्षमा नेताकार्यकर्ता नदेखिएपछी जनार्दनले दुईवटा पार्टी एमाले र उज्यालो नेपाल पार्टी सँग सहकार्य गरेर चुनावी मैदानमा छन् । नेपाली काँग्रेस र रास्वपाले पनि चुनावी प्रतिस्पर्धा लाई थप चुनौती थपिदिएका छन् ।
यस अघिको निर्वाचनमा निरन्तर चुनाव जित्दै आएका शर्मालाई यसपटकको चुनाव भने भारी पर्ने देखिन्छ ।
यता कांग्रेसबाट टिकट नपाएपछि रुष्ट बनेका काँग्रेस नेता प्रेम प्रकाश ओली अन्तिममा कांग्रेसका नयाँ र अध्ययनशील युवा राजु केसीलाई सघाइरहेका छन।
