सुजन बिश्वकर्मा
पोखरा महानगरपालिका वार्ड नम्बर २१ स्थित दोपहरेको ओरालोमा दिउँसो १ बजे दुई मोटरसाइकल एकआपसमा ठोक्किँदा दुर्घटना भएको छ ।
ग २२ प १४५६ नम्बरको मोटरसाइकल माथी बाट छोरेपाटन तर्फ झर्दै थियो भने ग २ प ३२०३ तल देखि माथी दोपहरे तर्फ आउँदै थियो । तल बाट आउदै गरेको मोटरसाइकल एक्कासि गलत साइडमा आउँदा माथी बाट झर्दै गरेको श्रीमान श्रीमती सवार मोटरसाइकल अनियन्त्रित भई दुर्घटना भएको थियो ।
सरकारी कामको सिलसिलामा वडा कार्यालय गएका दम्पती रामराज पौडेल र सम्झना पौडेल वडा नम्बर २१ कै स्थानीय बासिन्दा रहेका छन भने अर्को मोटरसाइकल चालक सद्दाम हुसेन पनि सोही वडाको दोपहरे स्थित मोटरसाइकल वर्कसपमा काम गर्दै आएका मेकानिक रहेका छन ।
दुर्घटनामा ग २२ प १४५६ नम्बरको दम्पती सवार मोटरसाइकलमा क्षती पुगेको छ भने दम्पती रामराज र सम्झनालाई चोटपटक लागेको छ । घटना लगत्तै स्थानीय बासिन्दा , प्रत्यक्षदर्शी र वडा अध्यक्ष दिपक सुवेदीको रोहवरमा प्रारम्भिक जाँचबुझ गरि स्थिति नियन्त्रणमा लिएर घाइतेहरुलाई उपचारको लागि पठाइएको छ ।
