पाकिस्तानी मोडेल तथा अभिनेत्री हुमैरा असगर अली पाकिस्तानको कराँची सहरस्थित आफ्नै फ्ल्याटमा मृत फेला परेकी छन्।
Advertisement
कराँची प्रहरी अधिकारीहरूले डिफेन्स हाउसिङ अथोरिटी क्षेत्रमा रहेको उनको फ्ल्याटमा उनी मंगलबार राति मृत भेटिएको बताएका छन्।
अभिनेत्री असगरका परिवारका सदस्यले उनको शव लिन अस्वीकार गरेका छन्।
अदालतको आदेशमा फ्ल्याट खाली गर्न प्रहरी उनको घर पुग्दा हुमैरा असगरको शव भेटिएको थियो।
प्रहरीका अनुसार अभिनेत्रीको मृत्यु धेरै दिनअघि भएको देखिन्छ। तर उनको मृत्युको कारण अझै स्पष्ट भएको छैन।
