सुर्खेत । नेकपा माओवादी केन्द्रले मंसिर १६ मा हुने स्थानीय तह उपनिर्वाचनका लागि सिफारिस भएका उम्मेदवारहरू अनुमोदन गरेको छ। स्थानीय पालिकाले प्रदेशमा सिफारिस गरेका उम्मेदवार लाई सोमबार माओवादीको केन्द्रको बैठकले अनुमोदन गरेको हो । ०७९ मासम्पन्न स्थानीय तहको निर्वाचनमा निर्वाचित भएका जनप्रतिनिधीको दुर्घटना, प्रकोप र रोग व्याधि लगायतका कारण निधन हुँदा अहिलेसम्म स्थानीय तहका विभिन्न ४० पदहरू खाली रहेको निर्वाचन आयोगले जनाएको छ ।
उपनिर्वाचन हुनेमा जिल्ला समन्वय समिति प्रमुख २, गाउँपालिका अध्यक्ष २, नगरपालिका प्रमुख १, गाउँपालिका उपाध्यक्ष ४, नगरपालिका उपप्रमुख १, गाउँपालिका वडाध्यक्ष ९ र नगरपालिका वडाध्यक्ष २१ गरी जम्मा ४० पद रहेका छन्। स्थानीय तहमा एकवर्षको पदावधि छँदै कुनै पद रिक्त रहेमा उपनिर्वाचन गराउनुपर्ने व्यवस्था रहेको छ ।
कर्णाली प्रदेशमा रिक्त ८ पदका लागी दुई बाहेक माओवादी केन्द्रले सबै उम्मेदवार टुङ्गो लगाएको नेकपा माओवादी केन्द्रका नेता नरेशभण्डारीले जानकारी दिए । उनका अनुसार डोल्पाको त्रीपुरा सुन्दरी नगरपालिका–५ र हुम्लाको सर्केगाँड गाउँपालिकाका उपप्रमुख कोउम्मेदवार टुङ्गो लगाउन बाँकी रहेको छ । अन्य दलहरुले पनी कर्णाली प्रदेशमा हुने उपनिर्वाचनको लागी उम्मेदवार सिफारिस गरेकाछन्। सिफारिस भएका उम्मेदवार केन्द्र बाट अनुमोदन हुन बाँकी रहेको बताईन्छ ।
माओवादीले स्थानीय तहको उप निर्वाचनको लागि दैलेखको महाबु गाउँपालिका अध्यक्ष जंग बराल , दुल्लु नगरपालिका–१३, धकेन्द्रशाही, कालिकोटको तिलागुफा नगरपालिका–४, कमल शाही, जाजरकोटको नलगाड नगरपालिका उपप्रमुख– देवका लामिछाने, कुसेगाउँपालिका–७, गोरख नेपाली र
रुकुम(पश्चिम)को सानीभेरी गाउँपालिका–५, जसीराम बस्नेत लाई उम्मेदवार बनाएको छ । त्यस्तै डोल्पाको त्रिपुरासुन्दरी नगरपालिका–५, र हुम्लाको सर्केगाँड गाउँपालिकाका उपप्रमुख, को उम्मेदवार भने टुंङ्गो लगाउन बाँकी रहेको जनाईएको छ ।
माओवादीले उपनिर्वाचनमा एक्लै भाग लिने जनाएको छ । देशैभरीमा हुने उपनिर्वाचनमा माओवादीले यसपटक गठबन्धन नगर्ने तरसमाजवादी मोर्चाभित्र रहेका दलहरु सँग भने सहकार्य गरेर चुनावमा उत्रीने बताएको छ । गठबन्धनको जालोबाट निस्किएर माओवादी सहितका प्रमुख दलहरु यसपटक चुनाव लड्ने तयारीमा रहेका छन्।
