काठमाडौं । एक्सट्रिम नेपाल भलिबल लिग (एनभिएल) को पहिलो संस्करण आजकाठमाडौंमा सुरु हुँदैछ। पुरुष भलिबलको पहिलो फ्रेन्चाइज लिगको उद्घाटन खेलमा सगरमाथा स्म्यासर्स र मधेश वारियर्स आमनेसामने हुँदैछन्।
Advertisement
त्रिपुरेश्वरस्थित राष्ट्रिय खेलकुद परिषद्को कभर्डहलमा हुने उद्घाटन खेल आज दिउँसो ४ बजे सुरु हुनेछ। त्यसपछि साँझ ७ बजे कर्णाली शिवराज र अन्नपूर्णबीच प्रतिस्पर्धा हुनेछ।
पहिलोपटक आयोजना हुन लागेको एनभिएलमा नेपाली भलिबल इतिहासकै सर्वाधिक २० लाख रुपैयाँको विजेता पुरस्कार घोषणा गरिएको छ।
एनभिएलमा कुल पुरस्कार राशि ३२ लाख रुपैयाँ रहेको छ। एनभिएलका प्रबन्ध निर्देशक अश्विन केडियाका अनुसार बाँकी १२ लाख रुपैयाँ उपविजेता तथा विधागत पुरस्कारमा खर्च गरिनेछ।
