चाडपर्वमा किनमेल गर्दा उपहार जित्ने अवसर तपाईले पक्कै पनि पाउनु भएको होला? चाडपर्वको समयमा बम्पर उपहार पाउने सुविधा सँगै अब बसमा यात्रा गर्दा पनि उपहार जित्न सकिने छ ।
रुकुम पश्चिममा भखरै सञ्चालनमा आएको संयुक्त रुकुम यातायात प्रालिले यात्रुहरूका लागि बम्पर अफरको घोषणा गरेको छ । रुकुम श्री नामक बसमा यात्रा गर्दा प्रालीले दैनिक तथा वार्षिक रूपमा बम्पर उपहार उपलब्ध गराउने घोषणा गरेको छ ।
हिजो भदौ १ गतेदेखि रुकुम पश्चिमबाट काठमाडौँ र काठमाडौँ बाट रुकुम पश्चिमका लागि सेवा सुरु गरेको प्रालीले रुकुम श्री बसमा यात्रा गर्ने भाग्यशाली यात्रुले टिकेट शुल्क फिर्ता पाउने र वार्षिक एकजना भाग्यशाली बिजेतालाई स्कुटर प्रदान गरिने प्रालिका अध्यक्ष डम्बर थापाले जानकारी दिए ।
उक्त प्रालिका सबै बसमा गोलाप्रथाको व्यवस्था भएको र गोलाप्रथा बाट एक जनाले टिकेट शुल्क शतप्रतिशत फिर्ता पाउने छन् । भने वार्षिक रूपमा एकजनाले स्कुटर जित्ने व्यवस्था रहेको अध्यक्ष थापाले जानकारी दिए।
४ वटा बस भित्र्याएको प्रालीले बसमा निशुल्क पिउने पानी,बिस्कुट र सेनेटरी प्याड लगायतका अन्य सेवासुविधा हरु रहेको प्रालीले बताएको छ । रुकुम बाट काठमाडौं जादा प्रधान कार्यालय मुसिकोट खलंगा र काठमाडौ बाट रुकुम आउँदा बटालियन यातायात प्राली मार्फत टिकट खरिद गर्न सकिने कम्पनीले जनाएको छ ।
