रुकुम पश्चिमको आठबिसकोट नगरपालिका ९ रंगशालामा सञ्चालन भइरहेको तेस्रो पर्यटन, व्यापार तथा सांस्कृतिक महोत्सवमा चर्चित गायिका रचना रिमाल ले विशेष प्रस्तुति दिने भएकी छन्। आयोजकका अनुसार भोली बिहिबार १४ गते महोत्सवमा रचना रिमालको आकर्षक सांगीतिक प्रस्तुति रहनेछ।

Advertisement

महोत्सवलाई थप रौनकपूर्ण बनाउन रचना रिमालसँगै अन्य चर्चित राष्ट्रिय तथा स्थानीय कलाकारहरूको पनि बेजोड प्रस्तुति रहने बताइएको छ। लोकदोहोरी, आधुनिक तथा सांस्कृतिक गीत–संगीतमार्फत दर्शकलाई मनोरञ्जन प्रदान गरिने आयोजकले जनाएको छ।

स्थानीय कला, संस्कृति, पर्यटन तथा व्यापार प्रवर्द्धन गर्ने उद्देश्यले आयोजना गरिएको महोत्सवमा दैनिक रूपमा दर्शकको उल्लेखनीय उपस्थिति देखिएको छ। आयोजकले १४ गतेको विशेष सांगीतिक कार्यक्रममा उपस्थित भई मनोरञ्जन लिन सम्पूर्ण दर्शक तथा शुभेच्छुकलाई आग्रह गरेको छ।