रुकुम (पश्चिम) । आठबिसकोट नगरपालिका–९, राडीज्युलामा रहेको आठबिसकोट पिसजोन एजुकेशनल एकेडेमी प्रा. लि. पछिल्लो समय विद्यार्थी तथा अभिभावकको पहिलो रोजाइको विद्यालय बन्न सफल भएको छ ।
व्यवहारीक, प्रयोगात्मक तथा जीवनोपयोगी शिक्षालाई प्राथमिकता दिँदै आएको यस विद्यालयले शैक्षिक सत्र २०७६ देखि लगातार आधारभूत शिक्षा परीक्षा (कक्षा ८) मा नगरस्तरीय परीक्षामा उत्कृष्ट नतिजा हासिल गर्दै आएको छ । विद्यालयले सतप्रतिशत विद्यार्थी उत्तीर्ण गराउन सफल भएपछि यसको शैक्षिक विश्वसनीयता थप मजबुत बनेको छ ।
मन्टेश्वरीदेखि कक्षा ९ सम्म अध्यापन हुँदै आएको विद्यालयमा दक्ष तथा अनुभवी शिक्षक–शिक्षिकाबाट शान्त, सुरक्षित र अनुशासित वातावरणमा पठनपाठन गराइँदै आएको विद्यालय प्रशासनले जनाएको छ । निकट भविष्यमै कक्षा १० सम्मको अध्यापन गराउने उदेश्य रहेको यस विद्यालयमा Smart Class, Computer Lab, Hostel सुविधा, Bus Facility लगायत अतिरिक्त क्रियाकलाप अन्तर्गत खेलकुद, संगीत तथा नृत्य प्रशिक्षण समेत सञ्चालन हुँदै आएको छ । अग्रेजी माध्यममा अध्यापन हुने भएकाले विद्यार्थीको भाषा तथा व्यवहारिक सीप विकासमा समेत विद्यालयले विशेष ध्यान दिएको छ ।
विद्यालयका प्रिन्सिपल रविन्द्र सिंहले गुणस्तरीय शिक्षा, सुशासन र संस्कारयुक्त शिक्षालाई विद्यालयको मुख्य उद्देश्य बनाइएको बताए । उनले आगामी दिनमा अझ आधुनिक र प्रविधिमैत्री शिक्षामा जोड दिइने जानकारी दिए ।
गुणस्तरीय शिक्षा, उत्कृष्ट नतिजा तथा विद्यार्थीमैत्री वातावरणका कारण पछिल्लो समय पिस जोन प्रति अभिभावकको आकर्षण बढ्दै गएको स्थानीय बताउँछन् ।
