पछिल्लो समय रुकुम पश्चिममा नेपाली कम्युनिस्ट पार्टी नेकपामा प्रवेश गर्नेहरुको लहर बढ्दै गएको छ । निर्वाचन नजिकिँदै गर्दा विभिन्न पार्टी बाट असन्तुष्ट नेताकार्यकर्ताको रोजाईमा नेकपा पर्दै गएको बताइन्छ ।
चुनावी भेटघाट तथा घरदैलो कार्यक्रमका क्रममा नेकपाका उम्मेदवार गोपाल शर्माले विभिन्न पार्टी परित्याग गरि नेकपामा प्रवेश गरेका नवप्रवेशीहरु लाई स्वागत गरेका छन् ।
आज रुकुम पश्चिमको सानिभेरी गाउँपालिका -४ खालचौर स्थित मिलनचोक टोलका ११ जनाले पार्टी परित्याग गरेर नेकपामा प्रवेश गरेका छन् । नेकपा एमाले परित्याग गरि लाल बहादुर बराल, नेपाली काँग्रेस बाट बास्मती बिक,रेश्मी बिक,गउनी विक,धनविर विक, धन्जय विक,झगबिर बराल ,कल्पना विक,रुपा कुमारी थापा,कृष्विर विक र बिरमी विकले नेकपामा प्रवेश गरेका छन् ।
नव प्रवेशी लाई नेकपाका उम्मेदवार गोपाल शर्मा , केन्द्रिय सदस्य बिमला केसी ,नर बहादुर पुन,धनविर ओली लगायतका नेताहरुले पार्टीमा स्वागत गरेका थिए । पार्टीमा प्रवेश गरेकाहरु लाई उचित पार्टीको उचित जिम्मेवारी दिईने नेकपाका नेता बिमला केसीले बताईन।
